Иқтисодиёт ва бошқарув факультети “Иқтисодиёт (тармоқлар ва соҳалар бўйича)” таълим йўналишининг 1-ИҚТ-20 гуруҳ талабаси

Наманган муҳандислик – қурилиш институти
Иқтисодиёт ва бошқарув факультети
“Иқтисодиёт (тармоқлар ва соҳалар бўйича)” таълим йўналишининг
1-ИҚТ-20 гуруҳ талабаси
Махмудов Мухторжон Абдумалик ўғлининг
илмий – ижодий ишларига
ТАҚРИЗ
Махмудов Мухторжон Абдумалик ўғли томонидан 2021 – 2022 йилларда 15 та илмий мақолалар эълон қилинган бўлиб, улардан 4 таси якка муаллифликда.
М. Махмудовнинг мақолалари асосан инвестицион жараёнлар ва иқтисодиётни рақамлаштириш масалаларини қамраб олган.
“Ресурслар етишмайдиган ҳудуднинг инвестицион жозибадорлигини шакллантиришнинг услубий асослари” мақоласида М. Махмудов ресурс тушунчасини ҳудуднинг инвестицион жозибадорлигини билган ҳолда илмий тадқиқ этишга уриниб кўрган. Хорижий олимларнинг қарашларини ўрганиб чиқилганлиги ва ўзаро таққосланганлигига ўринли бўлган. Мақолада амалий таклифлар олға сурилган.
Инглиз тилидаги “Theoretical basis of export diversification” мақоласида ҳам инвестицион жараёнлар таҳлил этилиб, ривожланган мамлакатлар тажрибаси ўрганилган.
Трансмиллий корпорациялар ҳақидаги, “Трансмиллий корпорацияларнинг Ўзбекистондаги ўрни ва аҳамияти” мақоласи ҳам шу жиҳатдан эътиборга лойиқ деб ҳисоблайман.
М. Махмудов рақамли иқтисодиёт ривожланиш бўйича “Рақамли иқтисодиёт асосида ишбилармонлик муҳитини такомиллаштириш” ва “Особенности перехода к цифровой экономика в Узбекистане” мақолаларини эълон қилган. Уларда рақамли иқтисодиёт имкониятлари, шунингдек, жаҳон иқтисодиётининг глобаллашуви ва технологик ривожланиши, Ўзбекистоннинг рақамли иқтисодиётга босқичма – босқич ўтиши ҳамда иқтисодиёт, ижтимоий соҳа ва давлат бошқарувини ривожлантиришда рақамли иқтисодиётнинг хусусиятлари кўрсатиб берилган.
Умуман олганда, М. Махмудов ўзининг илмий мақолаларида муайян даражада тадқиқотчликка интилиши ва қобилиятини намоён эта олган. У бу борадаги изланишларини астойдил давом эттиради деб умид қиламан.
Иқтисодиёт кафедраси
Профессори: И. Сирожиддинов