Иқтисодиёт (тармоқлар ва соҳалар бўйича) таълим йўналиши талабалари учун “Корхона иқтисодиёти” фанидан

5. Ўзининг ва қарзга олинган маблағлар нисбати коэффициенти (Кўқ)  (жорий молиявий мустақиллик коэффициенти) уларнинг шаклланиш манбаларини инобатга олган ҳолда, пул маблағлари билан таъминланганлик даражасини аниқлайди. У қуйидаги формула асосида ҳисобланади:

Кўқ =	П1
	П2 - УМқк

Бу ерда:
П1 – ўз маблағлари манбалари (Устав капитали, қўшилган капитал, тақсимланмаган фойда ва ҳоказо). Бухгалтерия баланси “Пассиви”нинг 1-нчи қисми.
УМқк– узоқ муддатли қарз ва кредитлар (№ 1 шакл “Бухгалтерия баланси”нинг 490 сатри).
Агар ўзининг ва қарзга олинган маблағлар нисбати коэффициентининг қиймати йил охирида 1 (бир)дан кичик бўлса, корхонада молиявий хавф хатар (риск) мавжудлигинг аломати бўлади. Ўзининг ва қарзга олинган маблағлар нисбати коэффициентининг камайиши корхонанинг молиявий хатарини ортишини билдиради.
6. Ишлаб чиқариш қувватидан фойдаланиш коэффициенти:

Кқф =	Q ҳақиқий
	Qлойиҳа. - (Qижара. + Qконсерв.)

Q ҳақиқий – ҳақиқий ишлаб чиқарилган маҳсулот хажми;
Q лойиҳа − максимал, лойиҳавий ишлаб чиқариш қуввати
Q ижара – ижарага бериб юборилган қувватларга мос келувчи маҳсулот хажми;
Q консерв – консервация қилинган қувватларга мос келувчи маҳсулот хажми;
Ишлаб чиқариш қувватидан фойдаланиш коэффициенти 0.5 дан ёки тармоқ бўйича ўртача қийматдан кичик бўлса, корхонада ишлаб чиқариш қувватидан фойдаланиш паст даражада деб қабул қилинади.