Istiqbollarini belgilash ilmiy-tadqiqot institutining

Finlyandiyada 
ikkita davlat tili mavjud, 
ona tili fin tili boʻlganlar, shved tilini, ona tili shved tili boʻlganlar fin tilini davlat 
tili sifatida oʻrganishadi. Ona tili sami yoki sigan, rus tili boʻlganlar ham fin yoki 
shved tilini oʻrganishadi. 
Bizdachi
,
 umumiy oʻrta taʼlimning yangidan ishlab chiqilayotgan Milliy oʻquv 
dasturida “Til va adabiyot fanlari ona tili, adabiyot, oʻzbek tili (taʼlim boshqa tillarda 
olib boriladigan maktablar uchun), qardosh tillar (qozoq, qirgʻiz, tojik, turkman), 
rus  tili  (taʼlim  rus  va  oʻzbek  tilida  olib  boriladigan  maktablar  uchun)  oʻquv 
predmetlarini  qamrab  oladi  hamda  ularning  oʻzaro  aloqadorligini  taʼminlaydi”, 
deb qayd etilgan.
Bugungi kunda umumiy oʻrta taʼlim maktablarida taʼlim 7 tilda olib boriladi. 
Shundan,  2069  ta  maktabda  taʼlim  oʻzbek  tilidan  boshqa  tillarda  yaʼni  rus, 
qoraqalpoq, qozoq, tojik, turkman, qirgʻiz tillarida olib boriladi va har bir millat 
vakillari  uchun  millatlararo  bagʻrikenglik  tamoyili  asosida  sharoitlar  yaratilgan, 
oʻquv jarayoni oʻz ona tillarida tashkil etilgan va ushbu maktablarning har birida 
oʻquvchilar  uchun  barcha  fanlardan  oʻz  ona  tilida  darslik  va  oʻquv  metodik 
adabiyotlar bilan taʼminlanadi. 
Fin  taʼlim  tizimida  taʼlim  oluvchilarda  til  oʻrganish  qobiliyatini  rivojlantirish 
erta bolalikdan boshlanadi va butun hayotida davom etadi. Til uyda, maktabda 
va  maktabdan  tashqari  vaqtlarda  rivojlanadi.  Maktabda  til  oʻqitishning  asosiy 
prinsipi - turli vaziyatlarda tildan foydalanishga oʻrgatish hisoblanadi.
Oʻqish va yozish strategiyasi - bu ona tilini oʻrgatish paytida taʼkidlash zarur 
boʻlgan  markaziy  metakognitiv  koʻnikmalardir.  Til  oʻrganishning  maqsadi  tilni 
anglash va tahliliy til qobiliyatlarini qoʻllab-quvvatlash va rivojlantirishdir.
1-2-sinflarda ona tili va adabiyot fanini oʻqitishda oʻquvchilarning individual 
qobiliyatlarini  hisobga  olgan  holda  ongli  yondashish,  oʻzini  namoyon  qilish  va 
muloqot  qobiliyatlarini  rivojlantirishga  koʻmaklashish,  til,  shuningdek,  tinglash, 
gapirish,  oʻqish  va  yozish  qobiliyatlarini  rivojlantirish  alohida  vazifa  hisoblanadi. 
Oʻquv  jarayonining  davomiyligiga  eʼtibor  qaratish,  maktabgacha  yoshdagi 
asosiy koʻnikmalar va oʻzaro kompetensiyalarga bogʻlagan holda davom ettirish 
muhim. 

---