Istiqbollarini belgilash ilmiy-tadqiqot institutining

52
A.AVLONIY NOMIDAGI XALQ TAʼLIMI 
 
MUAMMOLARINI O‘RGANISH VA ISTIQBOLLARINI 
BELGILASH ILMIY-TADQIQOT INSTITUTI
VIII BOB. XULOSA
Mazkur  hisobotda  asosiy  xulosalar  uchinchi  bosqichdagi  so‘rovnoma 
natijalari  asosida  shakllantirilgan.  So‘rovnoma  2020-yil  to‘liq  va  2021-yil  birinchi 
olti  oylik  ma’lumotlari  asosida  yig‘ilgan.  Tahlil  natijalariga  ko‘ra  2020-yilda 
maktablar o‘rtacha 79 kunga yopilgan. Bu esa daromadi past bo‘lgan davlatlarda 
ta’lim  sifatiga  sezilarli  darajada  ta’sir  etgan,  shuningdek,  bu  nochor  ahvoldagi 
oilalarga ko‘proq o‘z ta’sirini ko‘rsatgan.
Aksariyat  davlatlarning  ta’limdagi  yo‘qotishlar  darajasi  va  masofaviy  ta’lim 
sifatini aniqlash qiyin bo‘lgan. 
Aksariyat davlatlar o‘zlarining milliy baholash tizimlari orqali o‘quvchilarning 
bilimini  aniqlagan  va  ularni  keyingi  bosqichga  o‘tkazishgan.  Shu  bilan  birga 
ko‘pgina davlatlar ta’lim hujjatlariga va o‘quv materiallarga o‘zgartirishlar kiritib, 
ayrimlari sezilarli darajada qisqartirishgan. 
Shunga  qaramasdan  daromadi  past  bo‘lgan  (radio  va  televideniya)  va 
daromadi yuqori bo‘lgan (onlayn-platforma) davlatlarlarning aksariyati ta’limda 
uzilishning oldini olish bo‘yicha masofaviy ta’limga ko‘proq e’tibor qaratishgan. 
Kelajakda pandemiya choralari yumshatilishi natijasida maktablarning ochilishi 
bilan  masofaviy  ta’limning  ahamiyati  deyarli  yo‘qolishi  mumkin.  Masofaviy 
ta’limni davom ettirish yoki offlayn ta’lim bilan birga olib borish uchun oqilona 
qarorlar qabul qilish zarur bo‘ladi va moliyalashtirish tizimini to‘g‘ri yo‘lga qo‘yish 
talab etiladi. 
Aksariyat  mamlakatlarda  o‘qituvchilar  ta’limni  masofaviy  shaklda,  asosan 
internet orqali onlayn shaklda, ayrimlari elektron pochta, telefon so‘zlashuvlari va 
boshqa shunga o‘xshash aloqa vositalari orqali amalga oshirgan.
COVID-19  emlash  dasturini  kengaytirish  maqsadida,  aksariyat  davlatlar 
barchani  emlashdan  o‘tkazib,  maktablarni  ochishga  harakat  qilgan.  Shu  bilan 
birga  ayrim  davlatlar  maktablarda  kasallikning  oldini  olish  bo‘yicha  gigiyena 
choralarini kuchaytirgan va sog‘lomlashtirish dasturlarini ishlab chiqqan. 
Biroq daromadi past bo‘lgan davlatlarda oddiy suv va gigiyena bilan bog‘liq 
choralar  ham  qo‘llana  olmagan.  Shunga  qaramasdan,  daromadi  past  va  o‘rta 
bo‘lgan davlatlar kasallikning birinchi to‘lqinidan keyin maktablarni ochishgan. 
Bunday  choralarning  oldini  olish  va  ta’limni  sifatli  yo‘lga  qo‘yish  hamda 
o‘qituvchilarni  masofaviy  ta’limga  tayyorlash  uchun  qo‘shimcha  investitsiyalar 
jalb etish zarur hisoblanadi. 
Aksariyat  davlatlar  mamlakat  byudjetidan  ta’limni  har  yilgi  belgilangan 

---