Issn 2091-5446 ilmiy axborotnoma научный вестник scientific reports

2) yasama so‘zlar zaminida shakllangan sodda oykonimlar: Shifokor (Uychi tumani), 
Toshloq, Sohibkor (To‘raqo‘rg‘on tumani ), Do‘stlik (Norin tumani), Yoshlik, O‘rikzor (Kosonsoy 
tumani), Bunyodkor, Nurchi, Oromgoh (Namangan shahar), Sadacha, Soycha (Kosonsoy tumani), 
Qo‘rg‘oncha (Norin tumani), Anjirzor, Bodomzor (Namangan tumani), Gulzor (Uychi tumani), 
Olmazor (Pop t.), Bog‘iston (Chortoq, Yangiqo‘rg‘on tumani), Bahoriston (Kosonsoy tumani), 
Guliston (Namangan shahar, Pop, Mingbuloq, To‘raqo‘rg‘on, Uychi, Uchqo‘rg‘on, Chust, 
Yangiqo‘rg‘on tumani) kabi. 
Toponimiyadagi konversiya usuli bilan affiksatsiya usulidagi yasalishni aralashtirish ko‘p 
hollarda toponimlarning motivlarini noto‘g‘ri talqin qilishga olib keladi [3, 204].
Yuqoridagi 
oykonimlar konversiya usuli bilan yasama so‘zlarning joy nomiga o‘tishi asosida yuzaga kelgan.
Sodda yasama oykonimlar tarkibida topoformantlar kuzatiladi. A.L.Xromov fikricha, 
topoformantlar apellyativ leksikadan onomastik leksika uchun toponimlar yasaydigan qo‘shimchalar 
hisoblanadi. Topoformantlar – toponimik so‘z yasalish vositasi sifatida qo‘llaniladigan qo‘shimchalar 
yoki ularga teng bo‘lgan yordamchi morfemalardir [4, 9]. Demak, topoformantlar toponimlar yasashga 
xoslangan qo‘shimchalardir. Namangan viloyati oykonimiyasida -ak, -gan, - g‘on, -mon, -cha 
topoformantlari bilan yasalgan oykonimlar kuzatiladi: Hisorak (Chust tumani), Hovuzak, Rezak, 
Navzak (Pop tumani), Bo‘lanak (Chortoq tumani), Poromon (Yangiqo‘rg‘on tumani), Porosmon 
85 

---

ILMIY AXBOROTNOMA 
FILOLOGIYA 2016-yil, 2-son 
(To‘raqo‘rg‘on tumani), Xo‘jand (To‘raqo‘rg‘on tumani), Pungon (Pop tumani), Qandig‘on 
(To‘raqo‘rg‘on tumani), Naymancha (To‘raqo‘rg‘on tumani) kabi. 
Sodda tarkibli oykonimlarning morfologik asosiga ko‘ra quyidagi modellari mavjud: