ILMIY AXBOROTNOMA PEDAGOGIKA 2019-yil, 6-son 135
birgalikda uning o‘sishi va rivojlanishiga ham u yoki bu darajada ta’sir qiladi. Umuman olganda jismoniy
yuklama tushunchasi sportchi organizmiga beriladigan jismoniy mashqlar hajmi bilan tavsiflanadi. Jismoniy
mashqlarning hajmi esa o‘z-o‘zidan mashqning shiddatliligi, mashqning qaytarilish soni va mashqning
intensivligi kabi komponentlardan iborat [2, 3, 5].
Jismoniy yuklamalarning hajmi mashqning murakkablik koeffitsiyentiga ham bog‘liqligini alohida aytib
o‘tish lozim. Mashqning murakkablik koeffitsiyenti qanchalik katta bo‘lsa, uni o‘zlashtirish shu darajada
murakkab bo‘ladi. Mos ravishda jismoniy yuklamalar hajmi ham ortib boradi. Sport nazariyasiga doir ayrim
adabiyotlarda [1, 2, 4] jismoniy yuklamalarni sportchi organizmiga mos tarzda berish kerakligi tavsiya etiladi.
Jismoniy yuklamalar jarayonida dastlab qaysi bir xususiyatlarni inobatga olish kerakligi to‘g‘risidagi savol
doimiy ravishda mutaxassislarni izlanishlarga undamoqda. Shuningdek, mazkur masala bugungi, zamonaviy
sport mashg‘ulotlarining doimiy ilmiy muammosi qatoriga kiradi. Bu kabi savollarga yetarlicha ilmiy
asoslangan, faktlar bilan xarakterlanadigan xulosalar va yechimlar to‘laligicha yoritib berilmagan.
Tadqiqotning tashkil qilinishi. Zamonaviy sport mashg‘ulotlari nazariyasi va amaliyoti fani oldida
turgan eng asosiy masalalardan biri mashg‘ulot yuklamalarini maqsadga muvofiq tashkil qilishdir.
O‘rganilayotgan mavzuni ilmiy-nazariy jihatdan yoritish maqsadida ayrim sport turlari bo‘yicha mualliflar
tomonidan mashg‘ulotlar tizimli ravishda pedagogik kuzatildi. Kuzatishlar va tahlillar Samarqand
ixtisoslashtirilgan olimpiya zahiralari maktab-internatida tashkil qilindi. Turli darajadagi sportchilarning
mashg‘ulotlari kuzatildi. Shuningdek, yetakchi murabbiylar va soha mutaxassislari bilan mavzu doirasida
suhbatlar tashkil qilindi. Ilmiy-uslubiy adabiyotlar tahlil qilindi va o‘rganildi. Adabiyotlardan olingan
ma’lumotlar va ularning amaliyotdagi holati qiyosiy tahlil qilindi.
Muhokama. Mashg‘ulotni samarali rejalashtirish mashg‘ulot yuklamalarini asosli ravishda nazorat
qilish va ular hajmini belgilashni yuzaga chiqaradi. Keyinchalik, murabbiy mashg‘ulot jarayonida jismoniy
yuklamalarni bevosita nazorat qilish yoki boshqarib borish vazifasini to‘la amalga oshiradi. Ushbu jarayonni
pedagogik qonuniyatlarga va yuqori darajadagi ilmiylikka tayangan holda olib borish maqsadga muvofiq.
Mashg‘ulot jarayonini pedagogik nazorat qilish samarali metodlarni qo‘llash, mashqlar ketma-ketligini to‘g‘ri
tuzish, ularni sistematik tarzda amalga oshirishni o‘z ichiga oladi. Shuningdek, bu jarayonda sport mashqi
nazariyasining tamoyillarini inobatga olish ham muhim ahamiyatga ega.
Jismoniy yuklamalarni pedagogik nazorat qilishda murabbiyga qo‘yiladigan eng asosiy talab bu ilmiy
salohiyatdir. Murabbiyning ilmiy-pedagogik jihatdan mukammalligi mashq yuklamalarini pedagogik nazorat
qilishda asosiy o‘rinda turadi. Murabbiy mashg‘ulot jarayonining har bir bosqichini nazorat qilishi, sportchi
tomonidan bajarilayotgan mashqlarning o‘zlashtirilishini kuzatib borishi lozim. Har bir mashg‘ulot yuzasidan
o‘zining xulosalarini shakllantirishi va ularni tizimlashtirib borishi kerak.
Sport mashg‘ulotlari jarayonida jismoniy yuklamalarni pedagogik nazorat qilishda quyidagilarni
inobatga olish kerak: