|
1.MAVZUNI NAZARIY ASOSLASH VA ADABIYOTLAR SHARXI.
Mamlakatimizda issiqxona mahsulotlari yetishtirish va qiymatini oshirish maqsadida turli islohotlar o’tkazilmoqda, shu jumladan O’zbekiston respublikasi prezidentining Issiqxona komplekslarini rivojlantirish uchun qo‘shimcha shart-sharoitlar yaratish chora-tadbirlari to‘g‘risidagi prezident qarori qabul qilindi.
Adliya vazirligi telegram-kanalining yozishicha, qaror bilan issiqxona xo‘jaligini rivojlantirishning asosiy yo‘nalishlari belgilandi.
Zamonaviy issiqxona komplekslari tashkil etish bo‘yicha istiqbolli loyihalar doirasida jami respublika bo‘yicha 105ta loyiha amalga oshiriladi va bu orqali 4 ming 481 yangi ish o‘rni yaratiladi.
Qarorga muvofiq hukumat tomonidan quyidagilar amalga oshiriladi:
• bir haftada yoqilg‘i yoqish yo‘li bilan issiqlik yoki elektr energiyasi ishlab chiqaruvchi korxona, muassasa va tashkilotlar reyestri shakllantiriladi;
• bir oy muddatda yoqilg‘i yoqish yo‘li bilan issiqlik yoki elektr energiyasi ishlab chiqaruvchi korxonalar (davlat ulushi 51 foiz va undan yuqori bo‘lgan), muassasalar va tashkilotlarga tutash hududlarda zamonaviy issiqxona komplekslari joylashtiriladi.
Shuningdek, qaror bilan tutash hududlarida zamonaviy issiqxona komplekslarini joylashtirish rejalashtirilayotgan iqtisodiyot tarmoqlari korxonalarining ro‘yxati tasdiqlandi.
Hududlarda zamonaviy issiqxona komplekslarini tashkil etishga ko‘maklashish bo‘yicha ishchi guruhlar tashkil etilishi belgilandi hamda ularning namunaviy tarkibi tasdiqlandi.
Ishchi guruhlar rahbarlariga 20 kun muddatda yoqilg‘i yoqish yo‘li bilan issiqlik yoki elektr energiyasi ishlab chiqaruvchi korxonalar, muassasalar va tashkilotlarga tutash hududlarda joylashgan aniq yer uchastkalarining ro‘yxatini shakllantirish va ularni elektron savdolarga qo‘yish vazifasi yuklandi.
Endilikda 2019 yilda zamonaviy issiqxona komplekslarini moliyalashtirish, loyihalarni amalga oshirish uchun Jahon banki, Osiyo taraqqiyot banki, Qishloq xo‘jaligini rivojlantirish xalqaro jamg‘armasi, boshqa xalqaro moliya institutlarining kredit liniyalari hisobiga 200 million AQSh dollaridan kam bo‘lmagan mablag‘lar jalb qilinadi.
Yuridik shaxslar 2021 yil 1 yanvarga qadar:
• zamonaviy issiqxona komplekslari, ularning butlovchi qismlari va gofrlangan karton idish ishlab chiqarishda foyda solig‘i, yagona ijtimoiy to‘lov va qo‘shilgan qiymat solig’idan ozod etiladi.
• zamonaviy issiqxona komplekslari va gofrlangan karton idish ishlab chiqarish uchun talab etiladigan, O‘zbekistonda ishlab chiqarilmaydigan uskuna, xom ashyo va materiallar, ehtiyot qismlar va butlovchi buyumlar uchun bojxona to‘lovlaridan ozod etiladi.
Qarorga muvofiq qishloq xo‘jaligi ekinlari urug‘larini yetishtirish bo‘yicha Buxoro, Qashqadaryo, Namangan, Samarqand, Surxondaryo va Farg‘ona viloyatlarida urug‘chilik klasterlari tashkil etiladi.
Qaror bilan Innovatsion rivojlanish vazirligiga quyidagi vazifalar yuklandi:
• 2019 yil 1 sentabrga qadar urug‘chilikni rivojlantirish markazining sifatni nazorat qilish laboratoriyasi negizida qishloq xo‘jaligi ekinlari urug‘larining nav, genetika va ekish sifat ko‘rsatkichlarini baholash bo‘yicha laboratoriya tashkil etish va Urug‘chilikni rivojlantirish markazini Urug‘ sifatini nazorat qilish bo‘yicha xalqaro uyushmaga (ISTA) a'zo sifatida kiritilishini ta'minlash bo‘yicha chora-tadbirlar ko‘rish;
• sabzavot ekinlarining hosildorligi yuqori yangi navlari va duragaylarini yaratish.
Qaror bilan Samarqand viloyati Samarqand tumanida qishloq xo‘jaligi axborot-maslahat markazi (ekstenshn markazini) dastlabki loyihasi amalga oshiriladi.
Bundan tashqari O’zbekiston respublikasining Prezident Shavkat Mirziyoyev Yangiariq tumanidagi “Global Food Impeks” mas'uliyati cheklangan jamiyat tomonidan tashkil etilgan zamonaviy issiqxonani ko‘zdan kechirdi. Bu haqda davlat rahbari matbuot xizmati xabar bermoqda.
Qayd etilishicha, mamlakatda qishloq xo‘jaligi mahsulotlarini qayta ishlash va eksport qilishga keng sharoit yaratilmoqda. Joylarda gidroponika usulida issiqxonalar qurilmoqda. Bu sifatli poliz mahsulotlari yetishtirish, ko‘plab ish o‘rinlari yaratish imkonini bermoqda.
“Global Food Impeks” mas'uliyati cheklangan jamiyat uchun ajratilgan maydon 23 gektardan ziyod. Birinchi bosqichda 10 gektar yerda issiqxona qurilgan. 140 kishi ish bilan ta'minlangan.
Bildirilishicha, ilgari bu joy sho‘r bosgan, qarovsiz yer edi. Endi shu zaminning har gektaridan yiliga 300-400 ming dollar miqdorida daromad olinadi.
Pomidor va bodring ko‘chatlari shu yil yanvarda hosilga kirdi. O‘tgan qisqa vaqtda 480 ming dollarlik eksport qilindi. Yil oxirigacha 4-5 million dollarlik mahsulot sotish mo‘ljallangan.Joriy yilda 13 gektar maydonda issiqxonaning ikkinchi bosqichini amalga oshirish hamda avgust oyida ishga tushirish mo‘ljallangan. Korxona to‘liq quvvatda ishlaganda yiliga 4 ming tonna pomidor va bodring, shuningdek, qulupnay, gullar va boshqa mahsulotlar yetishtiriladi, jami 280 ta ish o‘rni tashkil etiladi. Mahsulotlarning 80 foizini qo‘shni davlatlar, Rossiya va Turkiyaga eksport qilish rejalashtirilgan.
- Qishloq xo‘jaligida ilm, yangicha dunyoqarash paydo bo‘ldi. Mana, ishning ko‘zini bilsa, katta daromad olish mumkinligiga misol. Xorazmda yer sho‘rlangan. Shunday joylarda zamonaviy issiqxonalarni ko‘paytirish, 100-200 gektarga yetkazish kerak. Ham odamlarga ishchi joy, ham eksport bo‘ladi, - dedi davlat rahbari.
Issiqxona detallarini mahalliylashtirish, bozor talabidan kelib chiqib qayta ishlashni yo‘lga qo‘yish bo‘yicha topshiriqlar berildi.
Do'stlaringiz bilan baham: |
