Issiqlik texnikasi ikkinchi nashri

Nazorat uchun savollar:

1. 
   Nurlanishga ta’rif bering.
   
2. 
   Nurlanish energiyasi qanday aniqlanadi?
   
3. 
   Absolyut qora jism deb nimaga aytiladi?
   
4. 
   Absolyut oq jism.
   
5. 
   Plank qonunini ta’riflang.
   
6. 
   Vin qonuni.
   
7. 
   Stefan – Boltsman qonuni.
   
8. 
   Nurlanish koeffitsienti.
   
9. 
   Kirxgof qonuni.
   
10. 
    Lambert qonuni.
    
11. 
    Kul rang jism deb qanday jismga aytiladi?
    
12. 
    Parallel sirtlar orasida nurli issiqlik almashinuvi qanday kattaliklarga bog‘liq?
    
13. 
    Effektiv nurlanish.
    
14. 
    Ekranlar qachon qo‘llaniladi?
    
15. 
    Gazlarning nurlanishi.
    
16. 
    Murakkab issiqlik almashinuvi deb nimaga aytiladi?
    
17. 
    Issiqlik uzatish koeffitsienti.
    

O‘n birinchi bob

Issiqlik almashinuv apparatlari

11.1. Issiqlik almashinuv apparatlari xaqida umumiy ma’lumotlar.

Issiqlik tashuvchini qizdirish yoki sovitish uchun mo‘ljalangan qurilma issiqlik almashinuv apparati (IAA) deyiladi. Issiqlik tashuvchi sifatida suyuqlik yoki gaz ishlatiladi. Issiqlik tashuvchilar isituvchi va isitiladigan tashuvchilarga bo‘linadi. Masalan, qozon ichida qizigan gaz isituvchi issiqlik tashuvchi, qozondagi suv esa isitiladigan issiqlik tashuvchi hisoblanadi. Isitish radiatoridagi suv isituvchi issiqlik tashuvi, xonaga issiqlikni tarkatadigan havo esa, isitiladigan issiqlik tashuvchi hisoblanadi.

IAA lariga bug‘ qozonlari, kondensatorlar, bug‘ qizdirgichlar, havo isitkichlar, markaziy isitish asboblari, radiatorlar va shu kabilar misol bo‘la oladi.
IAA lari o‘zining shakli va o‘lchamlari bilan hamda ishlatilayotgan ishchi jismi bilan bir – biridan katta farq kiladi. IAA lari xilma xil bo‘lsada, issiqlik hisobining asosiy qoidalari ular uchun umumiy bo‘lib qoladi. IAA lari texnikada nixoyatda keng tarqalgan, hozirgi vaqtda ularning aniq bir tasnifi yo‘q. Quyida keltirilgan tasnif eng ko‘p qo‘llanilayotgan IAA lariga ta’luqlidir. IAA larini quyidagi belgilariga qarab tasniflash mumkin.