Ҳисоботи 2021 йил 28 декабр куни соат 10: 00 да Рақамли технологиялар факултети

0ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
Самарқанд Давлат Университети 5А330101 – «Компьютер илмлари ва дастурлаш технологиялари (йўналишлар бўйича)» мутахассислиги 2-босқич магистранти Нормуродова Лобар Дилмурод қизининг 2020–2021 ўқув йили 3-семестр давомида Илмий тадқиқот ишларининг бажарилиши бўйича
ҲИСОБОТИ


2021 йил 28 декабр куни соат 10:00 да Рақамли технологиялар факултети Дастурий инжиниринг кафедрасининг навбатдаги илмий семинари йиғилишида қатнашдим. Йиғилишда Рақамли технологиялар ва сунъий интелектни ривожлантириш илмий –тадқиқот институти мустақил тадқиқотчиси Тоиров Шухрат Абдуганиевичнинг “Синфлаштириш ва қарор қабул қилишда квант алгоритмлар” мавзусида 05.01.03- «Информатиканинг назарий асослари» ихтисослиги буйича фалсафа доктори (PhD) илмий даражасини олиш учун ёзилган диссертация ишининг муҳокамаси бўлиб ўтди. Ушбу илмий семинарда қатнашиб, мен ўзимга жуда кўп билим ва хулосалар олдим. Бундан ташқари диссертация химояси қандай ўтиши тартиб қоидаларини хам билиб олдим.
Семестр охирида факультет кенгашида магистрлик диссертациям “Биометрик тасвирларни сифатини ошириш ва баҳолаш усули ва алгоритмлари” мавзуси бўйича бажарилган ишлар ҳисоботини топширдик. Бунда менга диссертация бўйича қилиниши керак бўлган асосий ишлар, бажрилиши шарт бўлган қадамлар тўғрисида устозлар томонидан тушунча, маслағат ва тавсиялар берилди.
Танлаган мавзу бўйича 1-курс 1-семестрда адабиётлар рўйхатини илмий рахбарим билан бирга шакллантирган эдик. Бу адабиётлар рўйхатига яна қўшимчалар қўшдик.

1. 
   В. В. Старовойтов Ю. И. Голуб – “Получение и обработка изображений на ЭВМ” –Минск бнту, 2018
   
2. 
   Lin Hong, Yifei Wan, and Anil Jain – “Fingerprint image enhancement: algorithm and performance evaluation” - IEEE Transactions on Pattern Analysis and Machine Intelligence , 1998
   

Диссертацияни асосий қисмини ёзишга харакат қилаяпман. Маълумотлар ва натижалар таҳлилини тугалланган шаклга келтириш учун илмий рахбаримдан маслахат ва тавсиялар олаяпман. Илмий рахбарим томонидан тадқиқот ишининг ҳар бир қисмини (бўлим, бобларини) тугалланганлиги ва бутун иш ҳажмидаги ишончлилик далилларини қайта текшириб борилмоқда. Мен ушбу диссертация ишини ўрганиш давомида биометрик тасвирлар сифатини яхшилаш ва баҳолаш бўйича мавжуд алгоритмларни ўрганиб, уларни python дастурлаш муҳитида қўллаб кўрган ҳолда, натижа олишни асосий мақсад қилиб қўйганман. Бу соҳада янги тасвир сифатини яхшиловчи алгоритм яратиш ва уни татбиқ қилиш учун йиллар давомида тажрибалар ўтказиш ва бу тажрибаларни шу сохага мослаштирилган лабораторияларда амалга ошириш, жуда кўп илмий изланишлар олиб бориш керак деб ўйлайман. Мен танлаган мавзу бугунги кунда хам дунё олимлари олдидаги ечими изланаётган долзарб мавзулардан бири бўлиб, дунё тадқиқотчилари томонидан бу мавзу ҳали ўрганилмоқда.
Диссертация мавзуим бўйича илмий рахбарим О.Юсупов билан биргаликда Муҳaммaд aл-Хорaзмий номидaги Тошкент aхборот технологиялaри университети Сaмaрқaнд филиaлида 2021 йил 24-25 ноябр кунларида ўтказилган “Зaмонaвий aхборот, коммуникaтсия технологиялaри вa АТ-тaълим тaтбиқи муaммолaри” мaвзусидaги Республикa илмий-aмaлий aнжумaнига тезис тайёрладик. Ушбу тезис анжуманнинг 4-шўбаси 198- саҳифасида “Биометрик тасвирларга дастлабки ишлов бериш алгоритми”мавзуси билан чоп этилди.
Магистрант: Л.Д.Нормуродова


Илмий раҳбар: О.Р.Юсупов


Кафедра мудири: О.Р.Юсупов