Ҳисоботи 1-сонли баённомаси

ТДИУ “Рақамли иқтисодиёт ва ахборот технологиялари” кафедраси қошида ташкил этилган “Бир миллион дастурчи” иқтидорли талабалар тўгарагининг 2021-2022 ўқув йили сентябрь ойлари учун
ҲИСОБОТИ
1-сонли БАЁННОМАСИ
Илмий тўгарак мавзуси: “Миллий иқтисодиётнинг турли соҳаларига инновацион ахборот-коммуникация технологияларини самарали тадбиқ этишнинг назарияси ва амалиёти”
Тўгарак ўтказилган сана: 25.09.2022 йил
Аудитория: 5/104-хона
Бошланиш вақти: 17:10
Тўгаракка илмий раҳбар ва маъсул шахслар: кафедра мудири и.ф.ф.д. (PhD), доцент М.К. Абдуллаев, ассистентлар Л.Аблазов, А.Махмудов.
Тўгарак иштирокчилари: AT-81, AT-82, IIT-51, IIT-52 гуруҳи талабалари
Рақамли иқтисодиёт» мамлакатимиз тараққиётининг асосларидан бири сифатида белгиланган. Шу мақсадда «Рақамли Ўзбекистон – 2030» стратегиясини амалга ошириш бошланди. Жумладан, унинг доирасида ҳудудларда 89 та, тармоқларда 200 дан ортиқ лойиҳа ҳаётга татбиқ этилди.
Йил бошидан буён IT Park резидентлари сони 35 фоизга кўпайиб, уларда 6 мингдан ортиқ янги иш ўрни яратилган. 2021 йилнинг 8 ойида ишлаб чиқилган дастурий маҳсулотлар 26 миллион долларга экспорт қилинган. Келгуси 3 йилда иқтисодиёт соҳаларида яна 300 та лойиҳани амалга ошириш режалаштирилган.
Жумладан 2021-2022 ўқув йили учун мазкур тўгаракнинг иш режаси кафедра илмий тадқиқот йўналиши: ФМ-9 “Миллий иқтисодиётнинг турли соҳаларига инновацион ахборот-коммуникация технологияларини самарали тадбиқ этишнинг назарияси ва амалиёти” асосида тасдиқланган бўлиб, и.ф.ф.д. (PhD), доцент М.К. Абдуллаев тўгарак раҳбари сифатида ҳамда ассистентлар А.Махмудов, Л.Аблазов ташкил этувчи масъуллар сифатида фаолият юритиб келмоқдалар.


Илмий тўгаракда маърузалар муҳокамаси 2 ҳафтада бир маротаба шанба куни соат 14⁰⁰-15²⁰ да кафедра қошида ташкил этилган “Рақамли трансформация” ўқув -илмий лабораториясида бўлиб ўтади.
Ушбу тўгаракнинг асосий мақсади ва вазифалари талабаларнинг ўқишдан ташқари вақтини самарали ўтказиш, уларнинг билим ва кўникмаларини ошириш, ҳамда рақамли иқтисодиёт ва IT соҳасида малакали кадрлар етиштиришдан иборатдир.
2021-2022 ўқув йилининг сентябрь-октябрь-ноябрь ойларида “Бир миллион дастурчи” илмий тўгарагида Frontend, HTML&CSS, JavaScript дастурлаш тиллари ўргатиб борилмоқда.
Тўгаракга аъзо бўлган иқтидорли талабалар мустақил ўрганишлари давомида уларда юзага келаётган саволларига бириктирилган масъуллар батафсил жавоб олишлари, қизиқтирган мавзулари юзасидан қўшимча маълумотларга эга бўлишлари учун махсус телеграм гуруҳи ҳам ташкил қилинган бўлиб, бу гуруҳ орқали талабалар ўзини қизиқтирган саволларга нафақат ўқитувчилар, балки илғор, иқтидорли талабалардан ҳам жавоб олишларига эришмоқдалар.
“Рақамли иқтисодиёт ва ахборот технологиялари” кафедраси мудири
и.ф.ф.д. доцент М.К. Абдуллаев
_________
Илмий тўгаракка масъул шахс
кафедра катта ўқитувчиси У.Дадабаев _________