€исобот Ўзбекистон Республикаси Давлат статистикаси

1-KOM (ICHIMLIK SUVI) “ИЧИМЛИК СУВИ БИЛАН ТАЪМИНЛАШ ТЎҒРИСИДА ҲИСОБОТ” ТЎЛДИРИШ БЎЙИЧА ТУШУНТИРИШ

Шаклни аҳолини ва маиший-коммунал ташкилотларини ичимлик суви билан таъминловчи юридик шахслар тақдим этадилар. Шаклни сувдан ўзининг ишлаб чиқариш ва технологик эҳтиёжлари учун фойдаланувчи ташкилотлар топширмайдилар.

I бобда ҳисобот йилида квартиралар (уйлар)ни ичимлик суви билан таъминлаганлик кўрсаткичлари туман ва шаҳарлар кесимида акс эттирилади. Агарда А устунда ичимлик суви билан таъминлаган ҳудуд номи (бунда дастур автоматик тарзда вилоят, туман ва шаҳар номини таклиф этади) киритилса, Б устунда ҳудуд коди пайдо бўлади.
1- ва 2- устунларда йил давомида ичимлик суви билан таъминланган жами ва шу жумладан (1- устундан) қишлоқ жойларидаги квартира (уй)лар сони киритилади.
3- ва 4- устунларда йил давомида ичимлик суви таъминотидан чиқиб кетган жами ва шу жумладан (3- устундан) қишлоқ жойларидаги квартира (уй)лар сони киритилади.
5- ва 6- устунларда йил давомида ичимлик суви билан таъминланган абонентлар сони, жами ва шу жумладан (5- устундан) қишлоқ жойлари бўйича киритилади.
7- ва 8- устунларда йил давомида квартира (уй)ларга ўрнатилган сув ҳисоблагич асбоблари сони, жами ва шу жумладан (7- устундан) қишлоқ жойлари бўйича киритилади.
9- ва 10- устунларда йил давомида ҳисобдан чиқарилган сув ҳисоблагич асбоблари сони жами ва шу жумладан (9- устундан) қишлоқ жойлари бўйича киритилади.
2 боб йил давомида қишлоқ аҳоли пунктларини ичимлик сув билан таъминланишини кузатувини (мониторингини) таъминлайди. Бу бўлимни қишлоқ аҳоли пунктларини ичимлик суви билан таъминловчи ташкилотлар тақдим этадилар. Кўрсаткичлар ҳар бир қишлоқ аҳоли пунктлари бўйича туманлар кесимида келтирилади.
Ушбу бўлимда биринчи марта ичимлик суви билан таъминланган қишлоқ аҳоли пунктлари кўрсаткичлари киритилади. Ўтган йиллар давомида сув билан қисман, тўлиқ таъминланмаган қишлоқ аҳоли пунктлари бўйича маълумотлар жорий йил ҳисоботига киритилмайди. Хатлов (инвентаризация) натижалари бўйича аниқланган ўзгаришлар фақат ҳисоботнинг маълумот бўлими ва III бўлимда кўрсатилади.
А устунда қишлоқ аҳоли пункти номи (шунда Б устунда ҳудуд коди пайдо бўлади), В устунда тармоққа уланишнинг марказлашган ёки муқобил усули белгиланади.
1-устунда қабул акти мавжуд бўлган ичимлик суви билан таъминланган қишлоқ аҳоли пунктларининг умумий сонига оид маълумотлар, 2-устунда у ерда яшовчи аҳоли сони келтирилади.
3-устунда ичимлик суви билан таъминланган қишлоқ аҳоли пунктлари аҳолиси сони кўрсатилади.
Қишлоқ аҳоли пунктларидаги умумий уйлар (квартиралар) сони 4-устунда, ичимлик суви билан таъминланган уйлар (квартиралар) сони эса 5-устунда кўрсатилади.
6-устунда марказлашган сув таъминотига эга бўлган уйлар (квартиралар)га ўрнатилган ҳисобга олиш приборлари сони кўрсатилади. Муқобил манбалар орқали таъминлаш бўйича тўлдирилгани статистик ҳисоботда 6-устун тўлдирилмайди.
Агар қишлоқ аҳоли пунктида кўча тарқатувчи тармоғи ўтказилган бўлса (давлат қабул комиссияси акти мавжуд бўлганда)
3-устунда ичимлик суви билан таъминланган уйлар (квартиралар) сони албатта кўрсатилади.
Кўча тарқатиш тармоғи бўлмаган тақдирда сув билан таъминланган қишлоқ аҳоли пунктлари сони (1-устун) ва уларда мавжуд уйлар (квартиралар) сони (4-устун) кўрсатилади.
3 боб. Бу ерда йил охирига квартиралар (уйлар)ни ичимлик суви билан таъминлаганлик кўрсаткичлари туман ва шаҳарлар кесимида акс эттирилади. 3 боб тузилиши 1 боб билан бир ҳил бўлиб, фарқи 3 бобда жами йил якуни бўйича мавжуд кўрсаткичлар маълумотлари киритилади.