Islom karimov nomidagi toshkent toshkent davlat texnika universiteti geologiya-qidiruv va kon-metallurgiya fakulteti

1,2 Hududning Xo’jaligi

Tuman xoʻjaligining asosiy tarmoqlari — paxtachilik, gʻallachilik, chorvachilik, ipakchilik, sabzavotchilik. 5364 dehqon xoʻjaligi mavjud. Tumanda „Zirabuloqpaxta“, „Oqtoshdon“, Zirabuloq tajribasinov zavodi, „Oqtoshnon“, „Salomatlik“ korxonalari, 10 qishloq qurilish kombinati, Zirabuloq magistral gaz yoʻllaridan foydalanish boshqarmasi, Narpay va Zirabuloq MTP aksiyadorlik jamiyatlari, 2 avtotransport korxonasi, Oqtosh va Mirbozor dehqon bozorlari, savdo, madaniy va maishiy xizmat koʻrsatish shoxobchalari bor. Umumiy ekin maydoni 21962 ga, shu jumladan, sugʻoriladigani 20640 ga. 1322 ga lalmikor yerlar, 802 ga bogʻlar, 779 tokzorlar, 515 ga tutzorlar bilan band. Tuman hududidan respublika ahamiyatidagi avtomobil yoʻli, temir yoʻl (Zirabuloq temir yoʻl stansiyasi) oʻtgan.
Maishiy xizmat va kasb-hunar kolleji, 69 ta umumiy o'rta taʼlim maktabi, 47 ta jamoat kutubxonasi, 26 ta madaniyat uyi, Mirbozor xalq muzeyi, 560 oʻrinli markaziy kasalxona, 3 ta poliklinika, 15 ta qishloq vrachlik punkti, 2ta qishloq vrachlik ambulatoriyasi, 39 ta feldsher-akusherlik punkti, shoshilinch tibbiy yordam koʻrsatish markazi faoliyat koʻrsatadi. Tumanda, shuningdek, 1932-yildan boshlab „Paxtakor ovozi“ tuman gazetasi chiqadi.


1.3.Narpay tumani markaziy sharchasi Oqtosh haqida.
Oqtosh — Oʻzbekiston Respublikasi Samarqand viloyati Narpay tumanidagi shahar, tuman markazi. Viloyatning janubi-gʻarbida joylashgan. Narpay tuman markazi. 1967-yil 31-sentabrda tashkil etilgan. Zirabuloq temir yoʻl stansiyasi mavjud. Oqtosh shahri Samarqand shahridan 133 km gʻarbda joylashgan. Aholisi 35 ming kishiga yaqin (2003), asosan, o`zbeklar, shuningdek, rus, tatar, tojik, qozoq, ukrain, koreys, yahudiy va boshqa millat vakillari ham yashaydi. Shaharda 15 ta umumiy taʼlim maktabi, 2 ta kasb-hunar kolleji, 2 ta avtokorxona, paxta tozalash zavodi, «Oqtoshdon», «Oqtoshnon», «Salomatlik» aksiyadorlik jamiyatlari, «Zarafshon» firmasi, Zirabuloq tajriba sinov zavodi, MTP, Zirabuloq magistral gaz yoʻllaridan foydalanish boshqarmasi, 4 ta bank, 2 ta bozor, 2 ta klub, tuman markaziy madaniyat uyi, 8 ta kutubxona, madaniyat va istirohat bog`i, markaziy kasalxona, kattalar va bolalar poliklinikalari, dorixonalar va boshqa savdo, madaniy-maishiy shaxobchalar bor.