Ислом каримов номидаги тошкент давлат техника университети ҳузуридаги

II БОБ “АВТОМОБИЛЛАР ТУЗИЛИШИ” ФАНИ “АВТОМОБИЛ КУЗОВИ ВА КАБИНАСИГА ТЕХНК ХИЗМАТ КЎРСАТИШ ВА ТАЪМИРЛАШ ТЕХНОЛОГИЯСИ” МАВЗУСИНИНГ ИШЛАНМАСИ


2.1.”Автомобиллар тузилиши” фани бўйича ўқув- меъёрий ҳужжатлар (малака талаблари, ўқув дастур)
2.1.1. Ўқув фани ҳақида умумий тушунча.
Автотранспорт корхоналарининг ривожланиши, ҳозирги замон техникаси ва иқтисодиёти тараққиёти мутахассислар фаолиятини кенгайтиради, қабул қилинадиган қарорларни асослашга ва уларнинг иқтисодий, ижтимоий ва техник оқибатларни баҳолашга бўлган талабларни оширади. Ушбу талабларга жавоб берадиган кичик мутахассис кадрлар профессионал таълим тизими «Ер усти транспорт тизими” таълим йўналишида тайёрланади. «Автомобиллар тузилиши» фани йўналишининг етакчи фанларидан биридир.
Фан доирасида автотранспорт корхоналарида техник хизмат кўрсатиш ва жорий таъмирлаш ишларини ташкил этишда, хизмат кўрсатишнинг илғор усул ва воситаларини танлашга алоҳида эътибор берилади, шунингдек, бўлажак соҳа мутахассисига автомобиллир техник эксплуатацияси соҳасида автомобиллар ишончлилигини юқори даражада сақлашни, техник ҳолатини тиклашни таъминлайдиган техник хизмат кўрсатиш ва таъмирлаш,уларнинг атроф муҳитга таъсирини камайтириш муаммолари ҳақида назарий билим ва амалий кўникмалар бериб борилади.
“Автомобиллар тузилиши” фани мазмунига Ўзбекистонда қабул қилинган автомобил транспортининг техник ҳолатини белгиловчи стандарт ва меъёрларга асосланган бозор иқтисодиёти шароитида автомобил транспортининг ривожланиши ва ундан техник фойдаланиш масалалари, автомобил транспортига техник хизмат кўрсатиш, жорий таъмирлаш ва сервисининг ҳолати ва ривожланиши билан алоқасини ёритувчи мавзулар киритилган. Алоҳида агрегат, узел ва деталларнинг ишга лаёқатлилигини таъминлаш усул ва қоидаларини, шунингдек, автомобиллардан фойдаланиш хусусиятларининг ўзгариш қонуниятларини тушуниш ва уларни бошқаришни ўзлаштиришга имконият берадиган назарий билим ва амалий кўникмаларни шакллантирувчи мавзулар бўлажак мутахассисларни соҳанинг хусусиятларини англаб етишига хизмат қилади.