Ислом каримов номидаги тошкент давлат техника университети ҳузуридаги

Битирув ишининг мақсади ва вазифалари. “Автомобил тузилиши” фанининг “Автомобил кузови ва кабинасига технк хизмат кўрсатиш ва таъмирлаш технологияси” мавзуси бўйича технологик модел ва хариталарни ишлаб чиқиш ва ишлаб чиқариш жараёнларини такомиллаштиришга оид тавсиялар ишлаб чиқиш.
Битирув ишининг вазифалари:
1. “Автомобил тузилиши” фанининг мазмуни ва вазифаларини назарий таҳлил қилиш.
2. Профессионал таълим муассасаси ва ўқув устахоналарида ўқув жараёнларини ташкил этишнинг ўзига хос хусусиятларини назарий таҳлил қилиш.
3. “Автомобил кузови ва кабинасига технк хизмат кўрсатиш ва таъмирлаш технологияси” мавзуси бўйича ўтказиладиган амалий машғулот ишланмасини ишлаб чиқиш.
4. Фанни ўқитишни такомиллаштиришга оид тавсиялар ишлаб чиқиш.
Битирув ишининг амалий аҳамияти: шу билан белгиланадики, ўрганиш натижасида олинган хулосалар «Автомобил тузилиши» фани бўйича ташкилий характерга эга бўлган ҳужжатларни ишлаб чиқишга амалий дастур бўлиши мумкин. Олинган хулоса ва келтирилган таклифларни профессионал таълим муассасаларида фанни ўқитишда ва ташкиллаштиришда фойдаланиш мумкин.
Битирув ишининг тузилиши ва ҳажми. Битирув иш кириш, 2 та боб, 5 параграф, хулоса ва фойдаланилган адабиётлардан иборат ҳолда ёритиб берилган. Битирув ишда 25 та адабиётлар ва интернет сайтларидан фойдаланилган. Ишнинг асосий ҳажми 30 бетни ташкил этади
I БОБ “АВТОМОБИЛ ТУЗИЛИШИ” ФАНИНИ ЎҚИТИШНИНГ НАЗАРИЙ АСОСЛАРИ
1.1.“Автомобил тузилиши” фанининг мазмуни ва вазифалари
Ҳозирги кунда профессионал таълим муассасаларида “Автомобиллар тузилиши” фани бошқа фанлар билан бир қаторда талабаларни касбга йўналтириш ҳамда уларнинг мутахассислик билимларини шакллантириш ва ривожлантиришда жуда катта имкониятларга эга. Фанни ўқитишдан мақсад – ўқувчиларда транспорт воситаларини агрегатларининг иш жараёни, шу жараён учун керак бўладиган муҳандислик маълумотлар бериш ва транспорт воситаларининг конструкциясини эксплуатация шароитига қай даражада мослашганлигини баҳолаш усуллари бўйича йўналиш профилига мос кўникма ва малака шакллантиришдир.
Ўқувчиларда Ўзбекистонда ишлаб чиқарилаётган замонавий автомобилларнинг мехнизм агрегатларининг вазифаси, тузилиши ва ишлаш принциплари, автомобиль саноати ва унинг ривожланиш тенденциялари, транспорт тизимининг тараққиёти ва истиқболлари ҳақида билимларни шакллантириш, шунингдек, транспорт воситаларини турлари қисмларини тавсифлаш, ўзеллари, механизмлари ва уларни ишлатиш кўникмаларига эга бўлишларини таъминлаш каби вазифалар фаниинг мақсадига эришиш учун асосий фаолиятни белгилайди.
Профессионал аълимнинг давлат таълим стандарти ўқув фанлари, блоклари мазмунига қўйиладиган умумий талабларида «таълим ва тарбия жараёнининг мустақил фикрлайдиган, қарорлар қабул қилишга қодир, ҳар томонлама ривожланган, баркамол шахсни шакллантиришга йўналтирилганлигини таъминлаши лозим” лигига алоҳида аҳамият берилган. Ҳозирги кунда ушбу қўйилган талаблар асосида транспорт тизимлари йўналишлари мавжуд профессионал таълим муассасаларида таълим-тарбия жараёни сифат кўрсаткичини юқори даражага кўтариш, таълимдаги илғор технологияларни ўқув жараёнларига татбиқ этиш орқали ўқувчиларга Республикамиз транспорт тизимлари соҳасининг ривожланиш истиқболлари, долзарб муаммолар ва замонавий технологиялар тўғрисида зарур маьлумотларни бериш, талабаларнинг фан ва техниканинг замонавий ютуқларидан фойдаланган ҳолда аниқ шароитларда йўл ишлари жараёнларининг мазмун моҳиятини билишига, жараёнларни ҳисоблаш усулларини ўзлаштиришига, қурилиш ва таъмирлаш жараёнларини ташкил қилиш ва бошқаришни ўрганишига, мустақил равишда техник қарорлар кабул қилишига эришиш, шунингдек, уларда меҳнатга иштиёқ, юклатилган вазифага масъулият билан ёндашишни шакллантириш асосида давлатимиз иқтисодиёти ривожига ўз муносиб ҳиссасини қўша оладиган мутахассис кадрларни тайёрлаш каби устувор вазифалар амалга оширилмоқда.