Ислом каримов номидаги тошкент давлат техника университети ҳузуридаги

2 расм. Юкламани тўла қабул қилувчи енгил автомобил кузови
1-олдинги ҳампер; 2-двигател капоти; 3-ҳайдовчи ва йўловчи ўриндиқлари;4-юк хонасининг қопқоги; 5-эшиклар; 6-қанотлар, 7-орқа бампер
Кузов бир бутун пўлатдан штампалаб қилинган қобиқ (1) бўлиб, унга капот (2), юк хонасининг қопқоғи (4), эшиклар (5), қанотлар (6), радиатор пардаси, олдинги ва орқа бамперлар (1 ва 7) дан иборатдир. Кузовнинг қобиғи бир бутун пайванд қилинган қисмлардан иборат бўлиб, иккита олд қанотлар, орқа қанот (6) билан бир қилиб ишланган иккита ён томон, кузов томи, пайванд қилиб бириктирилган.
Кузовнинг икки томонида иккитадан очиқ жойлар бўлиб, уларга эшиклар шарнир ёрдамида маҳкамланган. Эшиклар штампалаб тайёрланган ташқи ва ички панеллардан иборат бўлиб, пайванд билан бириктирилган. Эшиклар ойнаси тобланган шишадан ясалган. Олд ва орқа ойналар уч қаватли бўлиб, синиб кетганда ўз кўринишини йўқотмайди ва хавфсиз ҳисобланади.
Капот кузовнинг олд қисмини беркитиб туради, у кузовга иккита илгак билан бириктирилган. Капот уни ёпиқ ҳолатда ушлаб турувчи қулфга эга. Қулф кузов ичидан очилувчи илгакка эга.
Кузов юкхонаси олдинги ғилдираклари етакчи ва классик компоновкали автомобилларда орқада жойлашган. Унда йўловчиларнинг юки, заҳира ғилдирак ва ҳайдовчи асбоблари сақланади. У қўшалоқ илгак ёрдамида кузовга маҳкамланган бўлиб, олд қисмида ичидан қулф ўрнатилган
Кузов ичида бир ёки икки қатор ўриндиқлар ўрнатилган, ҳайдовчи ва йўловчи ўриндиғи қулайлик учун бўйлама йўналишда ва суянчиғи оғиб, ростланадиган қилиб ясалган.
Автобус кузовлари . Бир ёки икки қаватли, усти ёпиқ ва баъзан очиқ хам бўлиши мумкин.
Автобуслар кузови синчсимон қобиқли бикр конструксиядир. Замонавий автобуслар нуқул металлдан ясалган вагон кўринишидаги усти ёпиқ каркасли кузовга эга. Бу турдаги кузовлар двигателни маъқул жойга жойлаштириш (кузов ичига, яъни олд қисмига, орқа қисмига ёки полининг тагига), йўловчиларга мўлжалланган кузов хонасидаги жойдан мақсадга мувофиқ фойдаланиш имконини беради. Автобус кузовларининг умумий вазни ва нархи автобуснинг ярим вазнини ва ярмига яқин таннархини ташкил этади. Вагон туридаги кузовларда рама бўлмайди, шунинг учун барча юкланишларни кузов ўзи қабул қилади. Шу нарсани таъкидлаб ўтиш керакки, автобуснинг бутун агрегатлари кузовнинг тубига бириктирилади. У кўндаланг ва бўйлама каркасли балкалардан хамда улар билан бир бутун қилиб туташган қовурғасимон устунчалар кузов қафасини ташкил қилади ва қовурға устун учун материал сифатида пўлат ва дуралюминийдан ясалган хар хил шаклдаги ўзакдан фойдаланилади. Каркасли кузов қафасини қобиқлаш учун лист пўлат ёки алюминий қўлланилади (3- расм).