Ислом каримов номидаги тошкент давлат техника университети олмалиқ филиали энергетика ва машинасозлик факултети

Ушбу том маънодаги тарихий ҳужжатнинг аҳамияти нимада?

• Ушбу том маънодаги тарихий ҳужжатнинг аҳамияти нимада?
• Биринчидан, Президентимиз Ш.Мирзиёев­ ташаббуси билан ишлаб чиқилган “Ҳаракатлар стратегияси” давлатимиз ва жамиятимизни ривожлантиришнинг мутлақо янги босқичини бошлаб беради.
• Иккинчидан, “Ҳаракатлар стратегияси” Конституциямизнинг асосий демократик нормаларини босқичма-босқич амалга ошириш доирасида демократик янгиланиши ва модернизация жараёнларининг мантиқий ва қонуний давомидир.
• Учинчидан, ўз моҳият эътиборига кўра, “Ҳаракатлар стратегияси” дунёда туб ўзгаришлар юз бераётган ҳозирги замонда сиё­сий, ҳуқуқий, иқтисодий, ижтимоий ислоҳотларнинг энг муҳим беш устувор йўналишини амалга оширишнинг беш йилга мўлжалланган миллий стратегиясидир.
• Тўртинчидан, ҳаммамиз гувоҳи ва бевосита иштирокчиси бўлганимиз “Ҳаракатлар стратегияси”нинг жонли ва қизғин жамоатчилик муҳокамаси бугунги замон талабига мос равишда энг янги информацион технологияларни кенг қўллаган ҳолда олиб борилди. Бу унинг тўлақонли муҳокамаси учун асос бўлиб хизмат қилди. Кўплаб мутахассислардан қанчадан-қанча амалий таклиф-мулоҳазалар келиб тушди. Мен бу ўринда интернет орқали келиб тушган фикрларни ҳам назарда тутаяпман. Энг муҳими, бу таклифларнинг асослиларидан бир қанчаси эътиборга олинганлиги алоҳида эътирофга сазовор.

“Ҳаракатлар стратегияси”ни изчил ва тизимли амалга оширишда учта муҳим принципга эътиборни қаратиш лозим.

• “Ҳаракатлар стратегияси”ни изчил ва тизимли амалга оширишда учта муҳим принципга эътиборни қаратиш лозим.
• Биринчи принцип: “Ҳаракатлар стратегияси” биз танлаб олган ва Биринчи Президентимиз асос солган ҳамда бутун дунё тан олган тараққиётнинг “ўзбек модели”нинг мантиқий давомидир.
• Шу маънода “Ҳаракатлар стратегияси” ўзининг босқичма-босқичлиги, изчиллиги ва тадрижийлигини сақлаб қолади.
• Иккинчи принцип: “Ҳаракатлар стратегияси”да бешта устувор йўналиш, яъни Давлат ва жамият қурилиши тизимини такомиллаштиришнинг устувор йўналишлари, Қонун устуворлигини таъминлаш ва суд-ҳуқуқ тизимини янада ислоҳ қилишнинг устувор йўналишлари, Иқтисодиётни ривожлантириш ва либераллаштиришнинг устувор йўналишлари, Ижтимоий соҳани ривожлантиришнинг устувор йўналишлари, Хавфсизлик, диний бағрикенглик ва миллатлараро тотувликни таъминлаш ҳамда чуқур ўйланган, ўзаро манфаатли ва амалий ташқи сиёсат соҳасидаги устувор йўналишлар узвий боғлиқ эканлиги ва бир-бирини тақозо этишини аниқ ва равшан англаш лозим.
• Учинчи принцип: “Ҳаракатлар стратегия­си” маъно-мазмуни содда ва тушунарли, ҳар бир фуқаро учун амалий иш дастурига айланмоғи керак.