Ислом Каримов номидаги Тошкент Давлат техника Университети Олмалиқ филиали Рўйхатга олинди “Тасдиқлайман ”

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
ИСЛОМ КАРИМОВ НОМИДАГИ
ТОШКЕНТ ДАВЛАТ ТЕХНИКА УНИВЕРСИТЕТИ
ОЛМАЛИҚ ФИЛИАЛИ
“ЭКОЛОГИЯ” ФАНИДАН


ЛАБОРАТОРИЯ ИШЛАРИ УЧУН УСЛУБИЙ КЎРСАТМА


ОЛМАЛИҚ – 2020

Кириш
Ҳозирги кунга келиб инсониятнинг олиб бораётган ишлаб чиқариш фаолияти натижасида атроф-муҳит ҳолатининг ёмонлашганлиги туфайли, атмосфера ҳавосини, сув ҳавзаларини ва тупроқни заҳарли газлар, суюқ ва қаттиқ чиқиндилар билан ифлосланиши оқибатида- энг аввало ичимлик суви, фойдали қазилмалар ҳамда қайта тикланмайдиган табиий ресурсларнинг танқ сезилиб бормоқда. Шунинг учун ҳам атроф-муҳитни муҳофаза муаммоси энг долзарб масалалардан бири бўлиб қолмоқда. Ҳалқ ҳўжалигининг турли сохалари корхоналари фаолияти натижасида катта миқдорда газ-чанг чиқиндилари, хар хил таркибли оқава сувлари, қаттиқ чиқиндилар чиқарилмоқдаки, улар биосферага катта зарар келтирмоқда. Улар сабабли атмосфера ҳавоси, сув ҳавзалари, тупроқ ифлосланиб, инсон саломатлигига, ўсимлик ва ҳайвонот дунёсига зиён етмоқда.

Буларнинг ҳаммаси ўз навбатида, шу корхоналар, қазилма бойликлар жойланган ва қайта ишланадиган жойларда ҳамда уларга яқин бўлган худудларда экологик мувозанатнинг бузилишига ва экологик тангликнинг вужудга келишига шарт-шароит яратмоқда.
Ўзбекистон Республикасида ҳам экологик муаммолар энг муҳим масалалардан бири бўлиб ҳисобланади. Бу борада Ўзбекистоннинг етакчи соҳаларидан бўлган кимё, металлургия, газ ва нефтни қайта ишлаш каби саноат корхоналарининг ҳамда қишлоқ хўжалиги билан боғлиқ бўлган муаммолар республикамиздаги экологик шароитнинг кескин ёмонлашувига олиб келмоқда.
Шунинг учун ҳам аҳоли ўртасида экологик таълимни яхшилаш атроф-муҳитни муҳофаза қилишда муҳим аҳамият касб этади.
Ушбу услубий қўлланмада келтирилган лаборатория ишлари экологик муаммоларни ҳал қилишга имкон қадар ёрдам бериши мумкин бўлган лаборатория тажрибалари ҳисобга олган ҳолда тайёрлашга ҳаракат қилинди.

Тузувчи: г.-м.ф.н., доцент Фидаев Д.Т.