Ра7аж ОТАРОВ,
%збекстан Жазы7шылар а73амыны4 а2засы.
Ислам Дилманов ҳәм Дамехан Қаипованың
«Қарақалпақстанда ескек есиў спортының раўажланыўында ҳаял-қызлардың тутқан орны» атамасындағғы китабына
ПИКИР
Спорт тарийхы, елимиздиң жетекши спортшылары ҳәм олардың тренерлери ҳаққында мағлыўматларды топлаў ҳәм жәриялаў бойынша соңғы жыллары Әжинияз атындағы НМПИде тилге тийек боларлық жумыслар алып барылмақта. Бул китаптың Шет тиллери факултетиниң студенти И.Дилманов тәрепинен әйне усы спорт түри бойынша Өзбекстан спорт устасы, Өзбекстан сайланды командасы қурамында бийғәрез мәмлекетимиздиң абырайын қорғаған ҳәм бир қатар тарийхый табысларды қолға киргизген республикамыздың жетекши спортшысы Д.Қаипова менен биргеликте таярлаўы, сондай-ақ, пайдаланылған әдебиятлары ондағы фактлердиң дурыслығын тастыйықлайды.
Китапқа тийек етип алынған мағлыўматлар исенимли, фактлери анық.
Ҳәзирги күнде Ҳүрметли Президентимиз Ш.М.Мирзиёев тәрепинен ҳаял-қызлар спортына айрықша итибар қаратылып, ҳәттеки, жоқарғы оқыў орынларында да ҳаял-қызлар спорты бөлимлери ашылып, олардың жоқары билим алыўы ушын кең имканиятлар жаратылған бир дәўирде, республикамыздағы жетекши спорт түрлериниң бири ескек есиў тараўындағы ҳаял-қызлардың тутқан орны ҳыққандағы бул китапшаның таярланыўы жүдә итибарға ылайық ис болған.
Китаптың тили, сөз қуралыўы, стили толық талап дәрежесине жуўап береди.
Сонлықтан да, Ислам Дилманов ҳәм Дамехан Қаипованың «Қарақалпақстанда ескек есиў спортының раўажланыўында ҳаял-қызлардың тутқан орны» атамасындағы китабын баспаға усыныўға ҳәм тарқатыўға болады деп есаплаймыз.
Ә.Қайыпов,
Өзбекстан ҳәм Қарақалпақстан Жазыўшылар аўқамының ағзасы.
Шет тиллери факультетиниң студенти Ислам Дилманов ҳәм ескек есиў бойынша Өзбекстан спорт устасы Дамехан Қаипованың «Қарақалпақстанда ескек есиў спортының раўажланыўында ҳаял-қызлардың тутқан орны» атамасындағы китабына
ПИКИР
Ислам Дилманов ҳәм Дамехан Қаипованың «Қарақалпақстанда ескек есиў спортының раўажланыўында ҳаял-қызлардың тутқан орны» атамасындағы китабы менен толық танысып шықтым.
Китаптың таярланыўында авторлардың изленисте болғанын пайдаланылған әдебиятларының дизиминен ақ аңлаў мүмкин. Ҳақыйқаттан да, елимизде өз ҳәрекетин өткен әсирдиң орталарында баслаған ескек есиў спортының қәлиплесиўи дәўиринен баслап ҳаял-қызларымыздың ерлер менен бир қатарда ийинлесип турғаны ҳаққында ҳәмме биле бермейди. Басқа спорт түрлериниң тарийхына нәзер салар екенбиз, ҳаял-қызлардың бул спорт түрлерине кешлеў кирип келгениниң гүўасы боламыз. Ал ескек есиў спортында ҳаял-қызлар ерлер менен бир қәдем атқан ҳәм спорттың усы түриниң раўажланыўында белсендилик еткени бул китаптан орын алған.
Китап өзиниң жазылыў стили, грамматикалық саўатлылығы, сөз саплаўларының унамлылығы менен айрықшаланып турады. Сондай-ақ, китапқа киргизилген фактлер де, топланған мағлыўматлар да анық тарийхый дереклерден алынған.
Ислам Дилманов ҳәм Дамехан Қаипова тәрепинен таярланған «Қарақалпақстанда ескек есиў спортының раўажланыўында ҳаял-қызлардың тутқан орны» атамасындағы китабы ҳәр тәреплеме талап дәрежесине жуўап береди.
Сонлықтан да, бул китаты баспаға усыныўға ҳәм тарқатыўға болады деп есаплаймыз.
Do'stlaringiz bilan baham: |