Ислам Дилманов 81м Дамехан №аипованы4

Қаиповтан Қаўендердың авторлығындағы «Жас волейболшыларда секириўшеңликти асырыўда ҳәрекетли ойынлардың рөли» атамасындағы методикалық қолланбасына
ПИКИР

Республикалық ойын түрлери ҳәм жеӊил атлетика бойынша қәнигелестирилген балалар ҳәм жас өспиримлер спорт мектеби инструктор-методисти Қаипов Қаўендердиң «Жас волейболшыларда секириўшеңликти асырыўда ҳәрекетли ойынлардың рөли» атлы методикалық қолланбасы менен танысып өттим. Заманагөй волейболда жоқары шеберликке ийе волейболшыларды таярлаў барысында физикалық сыпатларды, арнаўлы шыдамлылықты раўажландырыўға айырқша итибар қаратыў жүдә әҳмийетли есапланады. Айтып өтиў керек, секирип орынланатуғын ойын көнликпелери (ҳүжим соққысы, тосық қойыў, узатыў, қабыл қылыў, топ киритиў) бир жарыс даўамында 300-600 мәрте қайтарылыўы мүмкин. Сондай екен физикалық сыпат, арнаўлы шыдамлылық сыпатларын дәслепки үйретиў басқышында үзликсиз қәлиплестирип барыў мақсетке муўапық есапланады. Қолланбада волейбол секциясында таярлаўдың басланғыш таярлық топарларында енди шынығыўларға кирискен жас волейболшыларда секириўшеңликти асырыў ушын ҳәрекетли ойынлардан пайдаланып, оқыўшыларды қызықтырыў жолы менен арнаўлы физикалық таярлығын асырып барыў, оқыў-шынығыў барысын нәтийжели шөлкемлестирип, оқыўшылардың секириўшеңлигин асырыў бүгинги күнниң әҳмийетли мәселелери екенлигин көрсетип бере алған.

Методикалық қолланба волейбол секцияларында жумыс алып барыўшы тренер-оқытыўшыларға жоқары шеберликке ийе спортшыларды таярлаўда қосымша қолланба сыпатында хызмет етеди деген пикирдемен.
Сонлықтан да Қаипов Қаўендердиң «Жас волейболшыларда секириўшеңликти асырыўда ҳәрекетли ойынлардың рөли» атлы методикалық колланбасын баспаға усыныўға ҳәм тарқатыўға болады деп есаплайман.

Өзбекстан Мәмлекетлик дене тәрбия ҳәм спорт Университети Нөкис филиалының ассистент оқытыўшысы, волейбол бойынша Қарақалпақстан Республикасы жаслар сайланды командасы бас тренери	Т.Наўбетуллаев