Ishonchlilik nazariyasi va

Tayanch iboralar: texnik xizmat ko‘rsatish va ta’mirlash tartiboti; davriylik;
imitatsion modellashtirish usuli; qaltis holat; maqbul TXK davriylik koeffitsienti; eng
maqbul davriylik; differentsiallangan me’yorlar; yiriklashtirilgan me’yorlar; operativ
vaqt; tayyorgarlik vaqti; yakuniy vaqt; mehnat hajmi; solishtirma me’yorlar; ishchi
o‘rniga xizmat ko‘rsatish vaqti; ehtiyot qismlar; yo‘lga chiqarish koeffitsienti; texnik
tayyorgarlik koeffitsienti; ishonchlilik darajasini, ishonchlilikni boshqarish.
8.1 Texnik xizmat ko‘rsatish va ta’mirlash tartiboti
Transport vositasiga texnik xizmat ko‘rsatish va joriy ta’mirlash tartibotlarini
aniqlashda ishonchlilik xususiyatlari ko‘rsatkichlaridan foydalaniladi.
Transport vositasiga texnik xizmat ko‘rsatish va joriy ta’mirlash tartiboti deb,
profilaktik yoki ta’mirlash xarakteridagi ta’sirlarning davriyligi, majburiy
bajariladigan ishlarning ro‘yxati va ularning mehnat hajmi tushuniladi. Eng maqbul
davriylik bilan olib boriladigan profilaktik ishlar buzilishlar sonini kamaytiradi.
Texnik xizmat ko‘rsatishning maqbul davriyligi va bajariladigan ishlar mehnat
hajmi mahkamlash, diagnostikalash, sozlash, moylash va boshqa ishlar bo‘yicha
ehtiyojni o‘rganish asosida belgilanadi. Texnik xizmat ko‘rsatishga bo‘lgan ehtiyoj
va uning davriyligini aniqlash yoki to‘satdan sodir bo‘ladigan buzilishlarning oldini
oluvchi tadbirlarning o‘z vaqtida bajarilishini ta’minlash uchun transport vositasi
(agregat, mexanizm) ish qobiliyatini belgilovchi ko‘rsatkichlarning o‘zgarish
qonuniyatlari hamda texnik holat parametrining yo‘l qo‘yilgan miqdorini bilish
lozim.