Қишлоқ хўжалик фитопатологияси фанининг мақсади ва вазифалари

Ун шудринг касаллиги. Бу касаллик барча мевали дарахтлар экиладиган хўжаликлардаги боғларда учрайди. Айниқса экинлар зич экилган далаларда катта зарар етказади. Касаллик барг, новда, гул ва мевасини зарарлайди. Касалланган ёш барг ва новдалар, барг банди оқиш моғорли доғлар билан қопланади. Касилланган барглар рангсизланиб, кейинчалик тушиб кетади. Новдалар ўсишдан орқада қолади. Устки томонида ҳосил бўлган мицелийда етилган конидиялар унинг рангини ўзгартиради. Касаллик қўзғатувчиси ун шудринг замбуруғига мансуб бўлган – Podosphaera leucotricha тури ҳисобланиб, касаллик қўзгатувчиси конидияли ва халтачали босқичларида ривожланади. Замбуруғ мевали ўсимликларнинг касалланган аъзоларида мицелий ҳолида куртакда қишлайди. Куртакда ҳосил бўлган клейстотецийлардан конидия ҳосил бўлади. Касаллик кўчатхоналардаги ўсимликларни ҳам зарарлайди. Касалликни тарқалишига қуруқ, иссиқ шароит қулайдир. Касалликка чидамли навлар: Шафрон, Ренет, Шампанский, Кандель, Китайка.
Қарши кураш чоралари: мевазор боғларда юксак агротехника қоидаларига амал қилиш, ўз вақтида суғориш, касалланган ўсимликнинг қуриган новдаларни йўқ қилиш, дарахтларга олтингугурт, Импакт, Топаз ва Вектра фунгицидлари билан ишлов бериш, чидамли навларни экиш керак.
Монилиоз касаллиги. Касаллик зарарланган жойда қўнғир рангдаги доғланиш билан бошланади. Мева мағзи қўнғир рангга кириб, юмшоқ бўлиб қолади, мазаси йўқолади. Меванинг устида ҳосил бўлган ёстиқчаларда замбуруғ спораси етилади. Касалликни - Hyphomycetalis тартибига мансуб Monilia fructigena замбуруғи келтириб чиқаради. Касаллик занжирсимон тузилишдаги конидиялар воситасида кўпаяди. Касаллик қўзғатувчиси мевани зарарланган жойидан кириб келади. Споранинг ривожланиши нам шароитда
амалга ошади. Инфекциянинг бирламчи манбаи касалланган мевалар бўлиб, уларда ҳосил бўлгал споралар турли йўллар билан тарқалиши ҳисобига амалга ошади.
Қарши кураш чоралари: меванинг механик зарарланмаслик чора
тадбирларини кўриш, касалланган меваларии йиғиштириб олиб ташлаш,
ўсимликларга 1 % ли бордо суюқлиги билан ишлов бериш керак.