Ishlab chiqarishda boshqaruv” fakulteti «iqtisodiyot» kafedrasi

Funktsional munosabatlar - bu tashkilot doirasida u yoki bu vazifani bajarishga vakolatli bo’lgan mutaxassisning boshqa a’zolar bilan munosabatidir. Odatda bunday ishlab chiqarish missiyasi tavsiya shaklida bo’ladi. Masalan, kadrlar bo’limi boshlig’i xodimlarni ishga qabul qilish, ukitish va ijtimoiy jihatdan ta’minlash masalalarida tsex boshlig’i bilan funktsional munosabatlar bo’ladi. Buxgalter - pul bilan ta’minlash, sotish, reklama masalalari va boshqa masalalar bo’yicha sotish bo’limi boshlig’i bilan funktsional munosabatlarda bo’lishi mumkin. Shu bilan bir qatorda funktsional rahbarning o’zi ham o’z chiziqli tashkiloti doirasida chiziqli munosabatda bo’ladi (masalan, kadrlar bo’limi boshlig’i o’z bo’limi xodimlariga nisbatan chiziqli munosabatda bo’ladi). Funktsional munosabatlarning boshqa turiga lateral deb nomlangan munosabatlar ham kiradi. U inglizcha "Lateran" so’zidan olingan bo’lib, "yon tomondagi" degan ma’noni bildiradi. Lateral munosabatlar funktsional munosabatlarning bir turi hisoblanadi. Ular ikki toifada bo’lishi mumkin: kollegnal - bitta bo’lim xodimlari o’rtasidagi (Hamkasblar o’rtasidagi) munosabatlar; parallel - bu tashkilotda bir xil mavqega ega bo’lgan, lyokin turli bo’limlar va bo’linmalarda ishlayotgan xizmatchilar (xodimlar) o’rtasida axborot, g’oyalar, fikrlarni ayirboshlash zarurati bilan vujudga keladigan munosabatlardir. Bunga bir necha bo’lim (xizmatlar) rahbarlari o’rtasidagi munosabatlar yorqin misol bo’lib xizmat qiladi. Yana bir misol sifatida bitta kasbdagi, lyokin vaziyat taqazosi bilan turli bo’linmalarda ishlayotgan mutaxassislar o’rtasidagi ish bo’yicha munosabatlar yoki ular xodimlari o’rtasida axborot ayriboshlash munosabatlarini keltirish mumkin. Bu munosabatlarning maqsadi axborotlarni optimallashtirishdan iboratdir. Biroq, shuni aytish kerakki, parallel munosabatlar har doim ham benuqson va o’zaro manfaatli bo’lavermaydi. Ular doirasida ziddiyatli vaziyatlarning vujudga kelish hollari kam emas (masalan, sirli axborotning oshkor bo’lishi, xokimiyat raqobati).