Ishlab chiqarish turlari bo‘yicha

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
O‘RTA MAXSUS PROFESSIONAL TA’LIMNING


5.53.07.01-Texnologik mashinalar va jihozlar (ishlab chiqarish turlari bo‘yicha) kasbining “Fizika” fanidan
O‘QUV DASTURI

Kvalifikatsiya nomi:	1. Texnik
O‘quv rejadagi tartib raqami:	1.06
Ajratilgan soat:	60

Toshkent-2021

Tuzuvchilar:	M.To‘raxonov	Olmaliq arxitektura-qurilish texnikumi o‘quv va tarbiyaviy ishlar bo‘yicha direktor o‘rinbosari vazifasini vaqtincha bajaruvchi
	U.Umurzoqova	Olmaliq arxitektura-qurilish texnikumi fizika fani o‘qituvchisi
Taqrizchilar:	V.H.Sobirov	Islom Karimov nomidagi Toshkent davlat texnika universiteti Olmaliq filiali “Matematik va tabiiy- ilmiy fanlar” kafedrasi professori.

1. O‘quv dasturiga qo‘yiladigan talablar.

O‘quv dasturining nomi:	Fizika
Ajratilgan soat:	60
Mavzular soni:	30
Dasturning maqsadi:	Fizika fani predmeti,o‘qitish maqsadlari va uslublari. Tabiat va texnikadagi fizik hodisalar mohiyatini fizika fanidagi fundamental tushunchalar orqali tushuntirish,olingan nazariy bilimlarni kelgusida amaliyot va ishlab chiqarishga tadbiq eta olish uquvlarini shakllantirish.

O‘zlashtirish (o‘qitish) natijalari:	Fizika fani, predmeti, obyekti, uning maqsadi va vazifalarini bilish. Fizika fanining nazariy, ilmiy eksperimental asoslari haqida tushunchaga ega bo‘lish Fizika fanining bo‘limlarini bosqichma- bosqich o‘rganish. Fizik qonunlar, fizik modellar va eksperimentlar mohiyatini anglash, tabiat haqidagi ilmiy dunyo qarashni o‘stirish. Fizika fanining texnika va ishlab chiqarish taraqqiyotidagi o‘rni va rolini anglash. Olamning zamonaviy manzarasini tushunish, inson tafakkuri,intellektning rivoji komil inson tarbiyasidagi eng muhim omil ekanligini anglash.
Bilim:	koordinatalar tizimi; harakatni kinematic tasvirlash; egri chiziqli harakatda tezlik va tezlanish; normal va urinma tezlanish; Nyutonning harakat qonunlari; impuls va energiyaning saqlanishi; og‘irlik kuchi, yerning tortish kuchi; mexanikada nisbiylik prinsipi; suyuq va gazsimon muhitlar; termodinamika qonunlari; real gazlar, suyuqliklar va qattiqliklar.
Ko‘nikma:	fizik tushuncha va kattaliklarni matematik formulalar bilan ifodalay olish; fizik kattaliklarni aniqlash usullaridan foydalanish; fizik kattaliklarni o‘lchovchi asboblarini ishlash prinsiplari; mustaqil ravishda tajriba qurilmalarini yig‘ish va tahlil qilish; fanga oid o‘rtacha darajadagi masalalarni yechish; fizik jarayonlarni kasbiy faoliyatda qo‘llay olish.