Ishlab chiqarish oqova suvlarini fizik kimyoviy usulda tozalash texnologiyasini ishlab chiqish Reja

Ishlab chiqarish oqova suvlarini fizik kimyoviy usulda tozalash texnologiyasini ishlab chiqish
Reja:
I.Kirish
II. Asosiy qism
2.1. Oqava suvni fizik ximiyaviy tozalash.
2.2. Oqava suvni qayta ishlash jarayoni.
2.3. Oqava suvni qayta ishlash texnologiyasi sxemasi.
III. Ilovalar
IV. Xulosa
V. Adabiyotlar
Kirish
Respublikamizda chegaralangan yer usti va osti suv zahiralaridan ishlab chiqarishda foydalanishni eng maqbul texnologiyalarini qо‘llash va hosil bо‘lgan oqava suvlarni sifatli tozalab, undan ishlab chiqarishda qayta foydalanish asosiy vazifalardan bо‘lib qolmoqda. Bugungi kunda Respublikamizda mavjud suv resurslarini 90 % qishloq xо‘jaligi maqsadlari, 4,4 % kommunal xо‘jalik tarmoqlarida, 2,2 % sanoat, 1,8 % baliqchilik xо‘jaliklari va 1,6 % qishloqlar suv ta’minoti uchun foydalaniladi. О‘zbekistonda jami suv iste’moli hajmining 13-14 % mamlakatda mavjud suv resurslari hisobiga ta’minlanadi.
Maishiy oqava suvlar - aholi yashaydigan uylar, aholiga xizmat kо‘rsatish joylari (oshxonalar, sartaroshxonalar, hammomlar) va ishchi xodimlar uchun garderob va yuvinish xonalari bо‘lgan, korxona boshqaruv mamuriy maishiy binolarda hosil bо‘lgan ifloslangan suvlar. Atmosfera oqava suvlari – korxonaning kо‘kalamzorlashtirish maydonlaridagi daraxtlar, gullar, ekinlarni sug‘orishdan, qorning erishi va yomg‘ir suvlarini qо‘shilishidan hosil bо‘lib, kanalizatsiya tarmog‘lariga oqib tushadigan oqava suvlar. Bunday oqava suvlar tarkibi ifloslanish darajasi va xossalariga qarab har xil bо‘ladi.
Ishlab chiqarish oqava suvlari – suv ishtirokida amalga oshadigan texnologik jarayonlarda hosil bо‘ladi. Boshqa oqava suvlardan farqi, doimiy tarkibga ega emas, xom-ashyo turlariga ishlov berishga qarab, ifloslanish darajasi har xil bо‘ladi.