Ishlab chiqarish kuchlarini joylashtirishga ta’sir etuvchi omillar

Ishlab chiqarish kuchlarini joylashtirishga

ta’sir etuvchi omillar

Reja:

1. Ishlab chiqarish kuchlari haqida tushuncha.

2.Ishlab chiqarish kuchlarini joylashtirish tamoyillari va omillari

Ishlab chiqarish kuchlari

Ishlab chiqarish kuchlari ishlab chiqarish vositalari(asbob uskunalar,xom-ashyo va h.k), sanoat va qishloq xo’jaligi hamda mehnat resurslarini o’z ichiga oladi.

Iqtisodiyot samaradorligini oshirishning eng muhim vazifalaridan biri bu ishlab chiqaruvchi kuchlarni oqilona joylashtirish hisoblanadi.

Mehnat taqsimotining chuqurlashishi va kengayib borishi ishlab chiqaruvchi kuchlar taraqqiyoti bilan o’zaro bog’langan hamda shartlangan holda kechuvchi ob‘ektiv jarayon bo’lib, ko’p darajada uning tabiiy sharoitlari bilan-turli xil tabiiy boyliklar mavjudligi bilan belgilandi. Ana shu tabiiy boyliklarning makoniy tarqoqligi mehnat hududiy taqsimotining eng asosiy belgilovchi omillaridan biri tarzida namoyon bo’ladi. Ishlab chiqaruvchining (ishlab chiqarishning) rivojlanishi ishlab chiqarish unsurlarini, mehnat qurollarini, mehnat ashyolarini va jamiyatning asosiy ishlab chiqaruvchi kuchi bo’lgan aholini makoniy joylashtirish bilan birga kechadi.

Ishlab chiqaruvchi kuchlarni rivojlantirish va joylashtirish muayyan iqtisodiy sharoitlar hamda avvalo ishlab chiqarish usuliga bog’liq turli xil qonunlar bilan boshqariladigan yagona jarayon tarzida namoyon bo’ladi.