Ishlab chiqarish jarayoni hisobi

11-operatsiya. Hisoblangan ish haqi summasiga nisbatan davlat maqsadli jamg`armalariga to‘lovlar hisob-kitob qilindi. Ushbu ajratmalar korxonaning joriy xarajatlari hisoblanadi va shuning uchun ishlab chiqarish xarajatlarini ko‘paytirishga olib borilishi lozim. Ikkinchi tomondan, korxonada davlat maqsadli jamg`armalariga to‘lovlar bo‘yicha kreditorlik qarzi vujudga keladi. Uning ko‘payishi 6520-«Maqsadli davlat jamg‘armalariga to‘lovlar» passiv schotining kreditida aks ettiriladi.
Debet 2010-«Asosiy ishlab chiqarish» schoti 92 400 so‘m
Shu jumladan:
a) «A» mahsulotni ishlab chiqarish uchun 42 900 so‘m
b) «B» mahsulotni ishlab chiqarish uchun 49 500 so‘m
Debet 2510-«Umumishlab chiqarish xarajatlari» schoti 6600 so‘m
Kredit 6520-«Maqsadli davlat jamg‘armalariga to‘lovlar» schoti – 99 000 so‘m
12-operatsiya. Belgilangan me’yorlarga muvofiq hisobot oyi uchun hisoblangan eskirish summalari aks ettirilgan:
a) asosiy ishlab chiqarish binolari va inshootlariga 20 000 so‘m
b) umumishlab chiqarish binolariga 10 000 so‘m
Jami 30 000 so‘m.
Ma’lumki, hisoblangan eskirish summasi ishlab chiqarilgan mahsulotlar tannarxiga qo‘shiladi va keyinchalik sotishdan tushgan tushum hisobidan qoplanadi. Shuning uchun hisobda bir paytning o‘zida joriy xarajatlarning ko‘payishini va hisoblangan eskirish summasining ko‘payishini aks ettirish zarur. Asosiy ishlab chiqarish bino va inshootlari bo‘yicha eskirish summasi 2510-«Umumishlab chiqarish xarajatlari» schotining debeti va 0220-«Bino, inshootlar va uzatuvchi moslamalarning eskirishi» schotining krediti bo‘yicha yozilishi lozim.Ushbu xo‘jalik muomalalari buxgalteriya hisobi schotlarida quyidagicha aks ettiriladi:
Debet 2510-«Umumishlab chiqarish xarajatlari» schoti 30 000 so‘m.
Kredit 0220-«Bino, inshootlar va uzatuvchi moslamalarning eskirishi» schoti
30 000 so‘m.
13-operatsiya. «Toshelektrtarmoqlari» korxonasi tomonidan taqdim qilingan schot-fakturaga muvofiq iste’mol qilingan elektr energiyasi uchun qarzdorlik quyidagicha:
a) ishlab chiqarish binolarini yoritish uchun 25 000 so‘m
b) umumishlab chiqarish ehtiyojlari uchun 15 000 so‘m.
Jami 40 000 so‘m.
Elektr energiya xarajatlari mahsulot ishlab chiqarish bilan bog‘liq bo‘lgan xarajatlarning bir qismi bo‘lib, uning tannarxiga qo‘shiladi.Ushbu xarajatlarni muayyan mahsulot turlariga qo‘shish ishlab chiqarishni tashkil etish va boshqarish xarajatlari taqsimlanganidanso‘ng amalga oshiriladi. Shuning uchun iste’mol qilingan elektr energiyasi 2510-«Umumishlab chiqarish xarajatlari» schotining debetiga olib borilishi lozim. Ayni vaqtda «Toshelektrtarmoqlari» korxonasi
oldida vujudga kelgan kreditorlik qarzi 6990-«Boshqa majburiyatlar»schotining kreditida aks ettiriladi.
Debet 2510-«Umumishlab chiqarish xarajatlari» schoti 40 000 so‘m
Kredit 6990-«Boshqa majburiyatlar» schoti 40 000 so‘m