Ishlab chiqarilayotgan mahsulot sifati sertifikat bilan tasdiqlanadi

Ko’rsatkichlar nomi

Azotning jamlangan massa ulushi, %	27,0÷33,0
Karbamid va ammiakli selitra o’rtasidagi massa nisbati	0,5÷0,8
Ishqoriyligi erkin ammiakka qayta hisoblanganda, %	0,05÷0,50

Xavfsizlik talablari: Suyuq azotli o’g’it - yong’inga xavfli hisoblanmaydi va issiqqa chidamlidir. Mahsulot bilan ishlashda yoki undan foydalanishda qo’lqop kiyib olish zarur. Ish paytida ichish, ovqat iste'mol qilish va chekish mumkin emas. Teriga tushganda sovun bilan yuvish kerak. Agarda o’g’it ko’zga tushsa, uni darhol mo’l suv bilan yuvish zarur. Oshqozonga tushganda, kaliy permangantning nim pushti rangli eritmasidan bir necha stakan ichib, qayt qilish kerak. Ish tugatilgandan so’ng, yuz va qo’lni sovun bilan yuvib, og’izni chayish kerak.
Boshqa moddalar bilan aralashtirish qat'iyan man etiladi!
Joylash: temir yo’l va avtomobil sisternalari, 3 dm³ gacha hajmdagi polimer butilkalarga, 5 dm³ gacha hajmdagi kanistralarga, iste'molchilar bilan kelishilgan holda 100 dm³ gacha bo’lgan iste'molchilarning idishlariga joylanadi.
Tashish: temir yo’l sisternalarida, transportning ushbu turiga amal qiladigan yuklarni tashish qoidalariga muvofiq tashiladi.
Saqlash: quruq, salqin, bolalar qo’li yetmaydigan joylarda, oziq-ovqat mahsulotlaridan uzoqda saqlash zarur.
Kafolatlangan saqlash muddati: 6 oy.
KOMPLEKS O’G’IT – O’G’ITLI ARALASHMA
Ts 00203068-67:2018 (Код ТН ВЭД 310 520 9000)
Kompleks o’g’it - o’g’itli aralashma, o’simliklarda rux yetishmovchiligida va tanqisligida, ularga ishlov berish uchun qo’llaniladigan maxsus tarkibdir. U kukun holida yoki suvli eritma holida qo’llaniladi.
Kompleks o’g’it - o’g’itli aralashma suvda eriydi va tarkibida uchta asosiy ozuqa elemenlarni: azot, fosfor va kaliyni o’z ichiga oladi. Mikroelement sifatida rux qo’shilgan bo’lib, u asosiy makroelementlarni o’zlashtirilishiga imkon beradi.