Иш юритишда хужжатларни ўрни, ахамияти ва хужжат ҳАҚида

Қисқа мажлис баёнида 
фақатгина кун тартиби, маърузачи ва 
музокарада қатнашувчилар фамилияси ва қабул қилинган қарор кўрсатилади.
Йиғилиш стенографиялаштирилаётган (стенографик) ёки магнитофон ёрдамида ёзиб 
олинаётган фонографик) бўлса, қисқа мажлис баёни тузилиб, стенограмма раиси ва котиб 
томонидан имзоланади ва асосий мажлис баёнига илова қилинади.
Мажлис баёнининг асосий зарурий қисмлари: 
1.
Муассаса номи. 
2.
Сарлавҳа (бамаслаҳат иш кўрувчи орган ёки йиғилишнинг номи). 

---

3.
Ҳужжатнинг номи (Мажлис баёни). 
4.
Йиғилиш санаси. 
5.
Шартли рақами. 
6.
Йиғилиш жойи. 
7.
Тасдиқлаш устхати (агар мажлис баёни тасдиқланиши зарур бўлса). 
8.
Йиғилиш раиси ва котибининг фамилияси. 
9.
Матн: 
 
а) қатнашувчилар рўйхати ёки сони; 
 
б) кун тартиби; 
 
в) эшитилди; 
 
г) сўзга чиқдилар; 
 
д) қарор қилинди. 
10. Иловалар (агар улар мавжуд бўлса). 
11. Имзолар. 
Шартнома
икки ёки ундан ортиқ томоннинг фуқаролик ҳуқуқлари ва мажбуриятларини 
белгилаш, ўзгартириш ёки тўхтатиш йўлидаги келишувидир. Шартнома томонларнинг бирон-бир 
муносабатлар ўрнатиш ҳақидаги келишуви (битими)ни қайд этувчи ва бу муносабатларни 
тартибга солувчи ҳужжатдир.
Шартнома муносабатлари муассаса билан айрим шахс ёки шахслар ўртасида 
ўрнатилаётган бўлса, бунда тузилажак ҳужжат аксар ҳолларда 
меҳнат битими
деб аталади.
 
2.2. Хўжаликни ташкил этиш ҳужжатлари 
Фермер хўжалигини юритиш истагини билдирган фуқаролар, биринчи навбатда, «Фермер 
хўжалиги тўғрисида»ги Қонунда белгилаб берилган тартибда узоқ муддатли ижарага ер участкаси 
ажратишни сўраб қишлоқ хўжалиги кооперативи (ширкат хўжалиги) бошқаруви номига ариза 
берадилар. Бунда аризаларни бериш ва кўриб чиқиш қишлоқ хўжалиги экинларини йиғиб олиш 
тугаган вақтга тўғри келиши мақсадга мувофиқдир.
Фуқаронинг аризаси ва умумий мажлис қарори фермер хўжалигининг бизнес-режаси 
билан бирга туман ҳокимига юборилади. Ушбу ҳужжатлар туман ҳокими томонидан беш кун 
муддатда ер участкаларини бериш масалаларини кўриб чиқувчи туман комиссиясига хулоса 
бериш учун топширилади. Комиссия ўн беш кун муддатда ҳужжатлар билан танишиб чиқади ва 
бўлажак фермер билан суҳбат ўтказади ҳамда ижарага ер бериш мувофиқлиги ёки мувофиқ 
эмаслиги ҳақида хулоса тайёрлайди. Хулосани юқоридаги ҳужжатлар билан бирга туман ҳокимига 
тақдим этади.
Туман ҳокими ўн беш кун муддатда тақдим қилинган ҳужжатларни кўриб чиқиб, фермер 
хўжалиги юритиш учун фуқарога ер участкаси бериш тўғрисида қарор тайёрлайди. Туман 
ҳокимининг тавсияси билан вилоят ҳокимиятида тузилган комиссияга юборилади. Комиссия 
хулосасига асосан, туман ҳокими қарор чиқаради. Туман ҳокими қарор қабул қилгандан сўнг, ўн 
кун муддат ичида ҳокимиятнинг ер тузиш ва ердан фойдаланиш хизмати билан фермер хўжалиги 
бошлиғи ўртасида ер ижараси шартномаси тайёрланиб, имзоланиши лозим. 
Шартнома имзолангандан сўнг, ўн кун муддатда туман бош ер тузувчиси ва ширкат 
хўжалиги вакили фермер учун ажратилган ерни кўрсатади ва уч нусҳадаги далолатнома билан 
тасдиқлайди. Фермер хўжалиги туман ҳокимлигида давлат рўйхатидан ўтади. Бунинг учун 
Вазирлар Маҳкамасининг 2001 йил 22 августдаги Қарорига мувофиқ, ушбу тоифадаги хўжаликлар 
туман ҳокимлигига қуйидаги ҳужжатларни тақдим этиши лозим: 
1. Ариза. 
2. Қишлоқ хўжалиги кооперативи (ширкат хўжалиги) умумий йиғилишининг ёки бошқа 
қишлоқ хўжалиги корхонаси олий бошқарув органи ёки иш берувчи (маъмурияти) нинг фермер 
хўжалигини ташкил этиш тўғрисидаги қарори. 
3. Нотариал тасдиқланган Низомнинг иккита асл нусҳаси. 
4. Давлат божи ёки рўйхатдан ўтиш тўлови тўланганлиги тўғрисида банк тўлов 
ҳужжати (энг кам иш ҳақининг беш баробари миқдорида). 
5. Ваколатли шаҳар (туман) ҳокимияти органлари томонидан берилган хўжалик номини 
тасдиқловчи ҳужжат. 

---

6. Ҳокимият қарори билан ташкил этилган танлов комиссиясининг ер участкаси бериш 
ҳақидаги қарори, ишлаб чиқаришни ташкил этишнинг бизнес-режаси нусҳалари. 
7. Муҳр ва штампнинг уч нусҳадаги эскизи.