Ирригация ва мелиорация

Рекультивация – бузилган ерларни махсулдорлигини ва халқ хўжалигидаги қимматини тиклашга ҳамда атроф мухитни холатини яхшилашга йўналтирилган хўжалик фаолиятидир. Бу фаолият бузилган ерларни унумдорлиги ва экологик холатини эволюцион бузилмаган ерлар параметрлари даражасигача тиклашга қаратилган мелиоратив, қишлоқ хўжалиги, ўрмон-техник тадбирлар мажмуасини ўзига олади.
Рекультивациянинг мақсади янги ландшафтни яратишдир. Ландшафтнинг барча компонентлари рекультивация жараёнида янгидан яратилади: рельеф ва тупроқ ости қатлам яратилади; сизот сувлари режими тикланади; майдонни фойдаланиш мақсадидан келиб чиқиб, тупроқ структураси ва ўсимлик қоплами яратилади. Сунъий яратилган борлиқ тикланаётган худудда хайвонот оламини яратади.
Рекультивация объектлари.
Табиатга антропоген таъсирга боғлиқ холда рекультивация объектлари қуйидагилардир:
-торф қазиб олинадиган ерлар;
- норуда материаллар (қум, шағал, лой ва б.) қазиб олинадиган ерлар;

- очиқ тоғ ишларини олиб боришда бузилган ерлар;
- ер ости тоғ ишлари (чўкишлар, шахта тўкмалари – терриконлар) бузилган ерлар;
- шахарлар худудларини фаолияти (коммунул-хўжаликнинг қаттиқ чиқиндилари тўплами ва б.) дан бузилган ерлар;
- қидирув-разветка ишларини олиб боришда, нефть ва нефть махсулотларидан ифлосланган ерлар;

- қурилиш ва эксплуатация шларини олиб боришдан (тупроқ ва ўсимлик қопламини қисман ва тўлиқ йўқатган ер участкалари, ерларни сув босиши, эрозияга учраши, кавальерлар, қазилмалар ва б.) бузилган ерлар;
- технологик жараёнлар хисобига (аэрозоллар, чанглар, органик ва ноорганик чиқиндилар, радиоактив элементлар) бузилган ерлар;
- қишлоқ хўжалиги ишлаб чиқаришида (пестицидлар, дефолиантлар, оқова сувлар, ўғитлар) бузилган ерлар;
- харбий харакатлар ва харбий қуроллар ишлаб чиқариш жараёнида (ерларнинг радиоактив, захарловчи, токсик органик ва ноорганик чиқиндилар, хавфли бактериологик компонентлар) бузилган ерлар.