Iqtisodiyotni modernizatsiyalash sharoitida tejamkorlik tizimini yaratish masalalari

Boyqobilov Isomiddin 201-Iqtisodiyot

Industrial iqtisodiyot fanidan yozgan mustaqil ishi.

IQTISODIYOTNI MODERNIZATSIYALASH SHAROITIDA TEJAMKORLIK TIZIMINI YARATISH MASALALARI

Reja:

Kirish
1. O‘zbekiston milliy iqtisodiyotini modernizatsiyalashning asosiy yo‘nalishlari va tamoyillari.

2. 2009-2012 yillarga mo‘ljallangan Inqirozga qarshi dastur va “Kichik biznes va xususiy tadbirkorlik yili” Davlat dasturidan o‘rin olgan ijtimoiy-iqtisodiy masalalar.

3. Milliy iqtisodiyotni modernizatsiyalash sharoitida iqtisodiy-matematik modellashtirishning zarurligi va ahamiyati.
Taklif va Xulosa

Mamlakatimizda yalpi ichki mahsulotning o‘sish sur'atlari 2008 yilda 9 foiz, 2009 yilda 8,1 foiz, 2010 yilda esa 8,5 foizni tashkil etdi.

Keyingi o‘n yilda, ya'ni 2000 yilga nisbatan taqqoslaganda, 2010 yilda mamlakatimizda yalpi ichki mahsulot qariyb 2 barobar, aholi jon boshiga hisoblaganda esa 1,7 barobar oshdi.

Iqtisodiyotda 2010 yili yuqori o‘sish sur'atlari ta'minlanib, aholining real daromadlari 123,5 foizga oshdi, o‘tgan yilda inflatsiya darajasi 2009 yildagi 7,4 foiz o‘rniga 7,3 foizni tashkil qildi. Bu avvalambor qat'iy, shu bilan birga, puxta o‘ylangan pul-kredit siyosati va inqirozga qarshi ko‘rilgan samarali chora-tadbirlar natijasidir.

Agar o‘n yil oldin, ya'ni 2000 yilda mamlakatimiz yalpi ichki mahsulotida sanoatning hissasi atigi 14,2 foizni tashkil etgan bo‘lsa, 2010 yilda bu ko‘rsatkich 24 foizni, transport va aloqaning ulushi tegishli ravishda 7,7 va 12,4 foizni tashkil etdi, xizmatlar bo‘yicha bu raqam 37 foizdan 49 foizga o‘sdi. Qishloq xo‘jaligining ulushi esa 30,1 foizdan 17,5 foizga tushdi.

Asosiy makroiqtisodiy ko‘rsatkichlar: