"iqtisodiyotni modernizatsiyalash sharoitida aholini ijtimoiy muhofaza qilishning moliyaviy manbalari"

2-bob bo‘yicha xulosa 
Hozirgi davrda jahonda aholini ijtimoiy muhofaza qilish quyidagi asosiy 
yo‘nalishlarda olib borilmoqda: 
-
aholining nochor toifalariga avvalgi ko‘psonli, jiddiy ahamiyatga ega 
bo‘lmagan nafaqalar to‘lash o‘rniga aniq manzilli yo‘nalishga ega bo‘lgan yagona 
nafaqalarni joriy qilish; 
-
ijtimoiy yordamga muhtoj aholi toifalariga aniqlik kiritish, ayni paytda 
ularning muhtojlik darajasini aniqlash; 
-
ijtimoiy sohaning yetakchi sohalarida (sog‘liqni saqlash, ta’lim, turar joy-
kommunal xo‘jaligi) jamoatchilik sektorini rivojlantirish; 
-
aholini ijtimoiy muhofaza qilish tizimi harajatlarini davlat va mahalliy 
byudjetlar o‘rtasida oqilona taqsimlash; 
-
ijimoiy soha tarmoqlarida xo‘jalik yuritishning xususiy shakllari va notijorat 
tashkilotlarini rivojlantirish; 
-
ijtimoiy sohani dasturiy moliyalashga o‘tish, moliyaviy mablag‘lardan 
xarajat qilishning ijtimoiy normativlarini o‘rnatish va sarf-xarajatlar ustidan jamoat 
nazoratini kuchaytirish. 
O‘zbekiston Respublikasini rivojlantirishning beshta ustuvor yo‘nalishlari 
bo‘yicha Harakatlar strategiyasida ham ijtimoiy himoya masalasi ustuvor vazifa 
sifatida alohida ahamiyat berilgan. Shuningdek, O‘zbekiston Respublikasi uchun 
ijtimoiy himoya masalalariga mamlakatning demografik xususiyatlarini hisobga 
olgan holda keyingi yillar davomida ham alohida ahamiyat berish kerak bo‘ladi. 
Shu bilan birga, ijtimoiy himoyaning moliyaviy manbalarini mustahkamlash, 
moliyaviy yordamning jamiyat a’zolari o‘rtasida odilona taqsimlash 
mexanizmlarini takomillashtirish, ijtimoiy himoyaning manzilli bo‘lishiga erishish, 
pirovardida to‘laqonli ishlash va yashash sharoitlarini yaratish asosida inson 
farovonligini oshirish masalalari jamiyat oldida turgan dolzarb masalalardan 
biridir.
 

---

44