Iqtisodiyot nazariyasi, tarix va huquq

1.3 Qurilish mahsulotini sotish

Qurilish tashkilotining ishlab chiqarish va sotish faoliyati bir necha yoʻnalishlarni qamrab oladi.

1. 
   Toʻgʻridan-toʻgʻri sotish. Bozor munosabatlari sharoitida qurilish tashkiloti uchun eng muhim narsa buyurtma asosida ishlash boʻlib qoladi. Qurilish mahsulotini ishlab chiqarish buyurtmalar toʻplami, pudrat uchun tuzilgan shartnomalar va ob’ektlarni qurish yoki buning uchun zarur boʻlgan texnik xizmatlarni amalga oshirish uchun avvaldan tuzilgan shartnomalar asosida amalga oshiriladi. Qurilish muddatlari, loyiha va smeta hujjatlari, ob’ektlarning texnik- iqtisodiy xarakteristikalari, foydalaniladigan qurilish materiallari, detallari va konstruktsiyalari avvaldan kelishib olinadi.
   

Toʻgʻridan-toʻgʻri sotishning turlaridan biri pudratga oid savdolarni oʻtkazishdir. Putratga oid savdolar quyidagi kichik guruhlarga ajratilishi mumkin:

1. 
   arxitektura va qurilishga oid loyihalashtirish – loyiha va smeta hujjatlarini ishlab chiqish, investitsiyalarni asoslash, qurilish biznes-rejasini ishlab chiqish, investitsion loyihani ishlab chiqish;
   
2. 
   loyihalashtirish va qurilish ishlari: kim oshdi savdosi vositasida buyurmachi oʻzi uchun eng maqbul boʻlgan loyihalashtirish-qurilish firmasini tanlab oladi va u bilan shartnoma tuzadi;
   

v) qurilishni professional darajada boshqarish – buyurtmachini investitsion qurilish loyihasini amalga oshirish jarayoniga jalb qilinishi.

Pudratga oid qurilish shartnomalarini pudratchilarni tanlov asosida tanlab olish asosida tuzish tajribasi, qurilish narxining bozorning oʻrta narxlaridan 10- 25% pasayishini koʻrsatadi. Qurilish muddati ham xuddi shuncha foizga qisqarishi mumkin.

2.