Iqtisodiyot” kafedrasi “menejment” fanidan Oʻquv-uslubiy majmua

Bangledeshdagi Footwear. Footwear Sharqiy Bengaliyada 1930 yillarda oʻz faoliyatini boshlagan. 1962 yilda kompaniya tomonidan Dxayka shahridan 30 km uzoqlikda joylashgan Tongi sanoat shaharchasida oyoq kiyimlari sanoati uchun ishlab chiqarish uskunalari tayyorlashga moʻljallangan fabrikani qurishga birinchi yirik investitsiyalar kiritildi.
Kelgusi yillarda kompaniya barcha mumkin va mumkin boʻlmagan imkoniyatlarni ishga solib, oʻz faoliyatini kengaytirdi. 1971 yilda kompaniya boshqaruvchi direktori hukumat tomonidan Bangladesh mustaqilligiga shaxsan oʻzining hamda kompaniyaning hissasini qoʻshgan yagona chet ellik shaxs boʻldi. 198 yilda kompaniya aktsiyadorlikni yoʻlga qoʻydi va ikki yildan keyin mamlakatda chet el investitsiyalarining yirik xususiy sektorini boshqardi, shuningdek Dxamareda oyoq kiyim ishlab chiqaradigan korxona va charm fabrikasini ishga tushirdi. Yangi charm fabrikasi mahalliy kompaniya zavodlari uchun charm tayyorlar, mahalliy bozor uchun keng assortimentdagi oyoq kiyimlarni etkazib berar va eksport qilar edi.
1988 yilda Footwear Bangladesh 1800 ta xodim yolladi va oʻz mahsulotini 81 ta univermag hamda 4 ta agenstvalar orqali sotishni yoʻlga qoʻydi. Kompaniya mahalliy dizayndan foydalanib, yiliga 300 turga yaqin yangi oyoq kiyimi modellarini bozorgan taklif qilar edi. Kompaniya menejerlari faqat mahalliy aholidan tarkib topgan oʻz personali salohiyatidan gʻururlanar edilar.
Yillik sotuv hajmi 1988 yilga kelib 10 mln. juftdan ortib, ya’ni bozorning 1 % ini tashkil etdi. Kompaniya daromadlari 30 mln. doll., sof foydasi 1 mln. doll.ni tashkil etdi. Moliyaviy jihatdan Footwear International xoldingi ichida kompaniya oʻrtacha hajmdagi tashkiliy tuzilma hisoblanar edi. 110 mln. kishilik aholi va har bir aholi jon boshiga bir juft hisobidagi talab imkoniyatlari Bangladeshda kompaniya uchun 2 yil mobaynida judayam katta oʻsish imkoniyatlarini berar edi.
Kompaniyaning boshqaruvchi direktori Djon Karlson, kompaniyada ishlayotgan 4 ta chet ellikning bittasi edi. Qolgan uchta menejer ishlab chiqarish, marketing va sotishni boshqarar edi. Ularning barchasida xoldingda ish olib borish boʻyicha katta tajriba toʻplangan edi.
Topshiriq: Berilgan holat beqaror, tajovuzkor tashqi muhit sharoitlaridagi murakkab inqiroz holatini bildiradi. Kompaniya menejmenti qisqa vaqt (bir necha kun ichida) mobaynida siyosiy janjaldan boshlangan hamda uning asosida yuzaga kelishi mumkin boʻlgan iqtisodiy zararni minimallashtirish boʻyicha strategiya va taktikani ishlab chiqish vaziyatiga duch keldi. Bunda iqtisodiy, siyosiy-ijtimoiy xarakterdagi juda koʻplab omillarni hisobga olish zarur edi. Siz quyidagalarni hal qilishingiz kerak:

1. 
   Tashqi muhit tahlilini amalga oshirish, siyosiy risklarni, mavjud tahdidlar darajasi va holatdan kelib chiqishi mumkin boʻlgan oqibatlarni baholash (bunda SWOT va STEP tahlillari foydalaning).
   
2. 
   Kelishmovchilikning chegaralarini aniqlang.
   
3. 
   Mavjud kelishmovchilik holatida xulq-atvor strategiyasini tanlang va uni asoslang.
   
4. 
   Hodisadan kelib chiqishi mumkin boʻlgan zararni minimallashtirish chora-tadbirlari grafigini ishlab chiqing.
   
5. 
   Mavjud holat boʻyicha PR sohasida takliflar ishlab chiqing.