Iqtisodiyot asoslari

D 
Davlat mulki 
- mulkdor sifatida davlat muassasalari ishtirok etuvchi mulk shakli. 
Davlat tadbirkorligi 
- tovarlar ishlab chiqarish va xizmatlar ko’rsatish maqsadida 
davlat korxonalarining tijorat va notijorat asosidagi faoliyati. 
Davlat sektori - 
milliy iqtisodiyotning davlat mulki bo’lgan yoki butunicha davlat 
tomonidan nazorat qilinuvchi sohasi. 
Davlat qarzi - 
davlatning aholi, korxona va tashkilotlardan va xorijiy 
mamlakatlardan bo’lgan qarzi. Davlat qarzi ichki va tashqi qarzlarga bo’linadi. 
Davlatning byudjet - fiskal siyosati 
- davlatning makroiqtisodiy barqarorlikni 
ta’minlash maqsadida byudjet xarajatlari va soliqlarni boshqarishga qaratilgan 
siyosati. 
Deval’vasiya - 
valyuta kursining rasmiy tarzda pasaytirilishi.
Deflyasiya 
- inflyasiyaga teskari bo’lgan jarayon, milliy iqtisodiyot miqyosida 
o’rtacha narxlar darajasining ish faolligining susayishi natijasida pasayishi. 
Diversifikasiya 
- bir vaqtning o’zida korxona tomonidan bir biriga bog’liq 
bo’lmagan ishlab chiqarishlarning tashkil etilishi va rivoj-lantirilishi. 
Diler 
- o’z hisobidan va o’z foydasini ko’zlab birja savdolarida vositachilik 
faoliyatini amalga oshiruvchi jismoniy shaxs yoki firma. 
Depozitariy - 
depozit va qimmatli qog’ozlarni saqlash va ularning hisobini 
yuritish bilan shug’ullanuvchi huquqiy shaxs. 
Doimiy xarajatlar 
- mahsulot ishlab chiqarish yoki xizmatlar ko’rsatish hajmi 
bilan bog’liq bo’lmagan xarajatlar. 

E 
Evro 
- Evropa ittifoqi mamlakatlari (Avstriya, Bel’giya, Germaniya, Irlandiya, 
Ispaniya, Italiya, Lyuksemburg, Niderlandiya, Portugaliya, Finlandiya, Fransiya, 
Gresiya) ning yagona pul birligi. 
Evropa Ittifoqi 
- o’z tarkibiga 15 ta evropa mamlakatini bir-lashtiruvchi o’ziga 
xos xalqaro institut. Ushbu xalqaro institut evropa mamlakatlari hududida yagona 
bozor vujudga keltirish va shu orqali iqtisodiy farovonlikka erishish maqsadida 
tashkil etilgan.