Iqtisodiy va ijtimoiy geografiya

№

_

148. 

O‘zbekistondagi rangli metallurgiya konlari jadvalini shakllantiring 

hamda yozuvsiz xaritaga yirik konlarni tushiring. 

 

III.8. MASHINASOZLIK SANOATI 

 

Mashinasozlik  og‘ir  sanoat,  ya‘ni  ishlab  chiqaruvchi  vositalarni  ishlab 

chiqaruvchi  sanoat  tarmoqlaridan  biri  bo‘lib,  u  muhim  o‘ziga  xos  xususiyatlarga 

ega. Eng avvalo, uning tarkibi juda murakkab. Ushbu sanoat tarmog‘i mayda mix 

yoki  ignadan  tortib  muzyorar  ulkan  kemalar,  samolyot,  kosmik  raketalargacha 

bo‘lgan  mahsulotlarni  o‘z  ichiga  oladi.  Chunki,  bunday  mahsulotlarning  asosiy 

xomashyosi bitta, ya‘ni metall hisoblanadi.  

Mashinasozlik  ilmiy  texnika  taraqqiyotini  aks  ettiruvchi  tarmoqdir.  U  har 

qanday  mamlakat  yoki  mintaqa iqtisodiyotining  umumiy  rivojlanganlik darajasini 

ifodalovchi  o‘ziga  xos  indikator  hisoblanadi.  Bu  borada,  ayniqsa, 

mashinasozlikning  hozirgi  zamonaviy  tarmoqlarini  shakllantirilganligi  ustuvor 

ahamiyat  kasb  etadi.  Ko‘rilayotgan  sanoat  tarmog‘ida  ishlab  chiqarishni  ijtimoiy 

tashkil etish shakllaridan ixtisoslashuv va kooperatsiya nihoyatda katta o‘rin tutadi. 

Sababi, mazkur sanoat mahsulotlarining ko‘pchiligi, uning ―yuqori qavatlari‖ o‘ta 

---