Iqtisodiy o’sishning mazmun mohiyati

5. O’zbekistonda iqtisodiy o’sishning yuqori sur’atlarini ta’minlash omillari va natijalari
O’zbekiston Respublikasi Prezidenti Sh.M. Mirziyoev huzurlaridagi Koronavirus pandemiyasining O’zbekiston Respublikasini ijtimoiy-iqtisodiy rivojlantirishga ta’sirining salbiy oqibatlarini bartaraf etish, tadbirkorlik faoliyati sub’ektlarining investitsiyaviy va tashqi iqtisodiy faolligini tiklash, shuningdek, iqtisodiy islohotlarni yanada chuqurlashtirish uchun shart-sharoitlar yaratish maqsadida o’tkazilgan majlisdagi topshiriqlardan kelib chiqib, Vazirlar Mahkamasi qaror qiladi:
1. O’zbekiston Respublikasi Iqtisodiy taraqqiyot va kambag’allikni qisqartirish vazirligi, Moliya vazirligi, Bandlik va mehnat munosabatlari vazirligi, Axborot texnologiyalari va kommunikatsiyalarini rivojlantirish vazirligi, O’zbekiston Respublikasi Markaziy banki tomonidan boshqa vazirliklar, idoralar va xo’jalik birlashmalari bilan birgalikda iqtisodiyot tarmoqlari hamda sohalarida tarkibiy o’zgarishlarni tiklash va davom ettirish bo’yicha quyidagilarga qaratilgan chora-tadbirlar ishlab chiqilganligi ma’lumot uchun qabul qilinsin:
2020 yilda iqtisodiyot asosiy sektorlarining rivojlanishini saqlashga va 2021 yildan boshlab barqaror iqtisodiy o’sishni 5,0 — 5,5 foiz darajasida ta’minlashga yo’naltirilgan makroiqtisodiy siyosatni amalga oshirish va bozor institutlarini isloh qilishni davom ettirish;
birinchi navbatda, inqirozdan keyingi rivojlanish davrida banklarni transformatsiya qilish va bank xizmatlaridan foydalanish samaradorligini hamda ularning sifatini oshirishni ta’minlashga doir chora-tadbirlarni amalga oshirishga qaratilgan bank tizimini yanada isloh qilish;
aholi bandligini ta’minlash va daromadlarini oshirish, tadbirkorlik faoliyatini birinchi marta amalga oshirayotgan shaxslarni moliyaviy qo’llab-quvvatlash bo’yicha dasturiy chora-tadbirlarni kengaytirish orqali ichki talabni rag’batlantirish va kambag’allikni qisqartirish;
sanoat va raqobat siyosatini, jumladan, mahalliy ishlab chiqarish mahsulotlariga ichki talabni rag’batlantirish, tarmoqlararo kooperatsiya aloqalarini rivojlantirish, shuningdek, sanoatning strategik tarmoqlari korxonalarida islohotlarni davom ettirish asosida takomillashtirish;
investitsiya jarayonlarini, birinchi navbatda, mahalliy investorlarning infratuzilma loyihalarini moliyalashtirish va qo’shilgan qiymatning ishlab chiqarish «zanjirlari»ni yaratish bo’yicha loyihalarni amalga oshirishdagi ishtirokini rag’batlantirish uchun ichki manbalarni kengaytirish yo’li bilan faollashtirish;
eksport qiluvchi korxonalarni qo’shimcha moliyaviy qo’llab-quvvatlash orqali, shu jumladan savdoni moliyalashtirishning zamonaviy vositalaridan foydalanishni kengaytirish, mahalliy mahsulotlarni yangi eksport bozorlariga etkazib berishni kengaytirishda savdo-vositachilik tashkilotlarini rag’batlantirish hisobiga tashqi iqtisodiy faoliyatni rag’batlantirish va eksport qiluvchi korxonalarni qo’llab-quvvatlash;
davlat xaridlari tizimida xususiy tadbirkorlik sub’ektlarining ishtirokini kengaytirish, hududlardagi kichik sanoat zonalarini ularga ishlab chiqarish va transport infratuzilmasi ob’ektlarini o’tkazish uchun qo’shimcha moliyaviy resurslarni ajratgan holda rivojlantirish asosida ishbilarmonlik va raqobat muhitining qulayligini oshirish, xususiy tadbirkorlikni rivojlantirish;
hududlarda aholiga kompleks xizmatlar ko’rsatadigan savdo tashkilotlari tarmog’ini rivojlantirish, mahalliy mobil aloqa operatorlarining davlat aktivlarini bosqichma-bosqich sotish va qishloq joylarda telekommunikatsiya tarmoqlarini rivojlantirishga xususiy investitsiyalarni jalb qilish, shuningdek, 2021 yilda barcha ijtimoiy muassasalar, qishloq aholi punktlari va mahallalarni yuqori tezlikdagi Internet jahon axborot tarmog’iga ulashni yakunlash hisobiga xizmatlar sohasi korxonalarini qo’llab-quvvatlash va raqamli texnologiyalarni rivojlantirish.
Yuqoridagi qarordan kelib chiqib, Muammoli kreditlar, davlat qarzining 42 foizgacha etishi va iqtisodiy o’sish. Jahon bankiga ko’ra, 2021 va 2022 yillarda O’zbekistonda iqtisodiy o’sish kuzatiladi. Bu albatta, tashqi va ichki omillarning o’zgarishiga bog’liq.
Jahon Banki Evropa va Markaziy Osiyo mintaqasidagi 23 mamlakat bo’yicha o’z hisobotini e’lon qildi. Unda mamlakatlarning 2021 va 2022 yillarda ijtimoiy-iqtisodiy rivojlanishi bo’yicha prognozlar berilgan. Xususan, unda O’zbekistondagi vaziyatga doir tahlillar ham mavjud.