Iqtisodiy monopolizmga qarshi siyosat va raqobatni rivojlantrish

Davlatning siyosati – bu makroiqtisodiy siyosat bo‘lib, uning muayyan mamlakatning milliy iqtisodiga taalluqli yo‘l-yo‘riqlari va ulardan kelib chiqadigan sa’y-harakatlaridan iboratdir.


Davlatning siyosati – bu makroiqtisodiy siyosat bo‘lib, uning muayyan mamlakatning milliy iqtisodiga taalluqli yo‘l-yo‘riqlari va ulardan kelib chiqadigan sa’y-harakatlaridan iboratdir.¹¹ Siyosatda eng avval mamlakat iqtisodiyotining holati, xalqaro iqtisodiy konyunkturaning milliy iqtisodiyotga nechog‘lik ta’sir etishi, unda kutilayotgan o‘zgarishlar mamlakat zimmasiga olgan xalqaro majburiyatning qandayligi, mamlakat iqtisodiyotining resurslar bilan ta’minlanish darajasidan kelib chiqadi, ilgari amalga oshirilgan chora-tadbirlar bergan natija ham hisobga olinadi. Davlat siyosati davlat rahbarlarining irodasi va qat’iyatligiga va yetilgan iqtisodiy muammolarni naqadar idrok etishlariga ham bog‘liq bo‘ladi.
Davlatning iqtisodiy siyosati o‘z ichiga tashqi iqtisodiy, tarkibiy-investitsiyaviy, institutsional, agrar, sanoat, ijtimoiy, narx, moliyaviy, soliq-budjet, pul-kredit, hududiy (mintaqaviy) siyosatlarni oladi (1.9-rasm).

Davlatning iqtisodiy siyosati

Tarkibiy – investitsiyaviy siyosat

Narx siyosati

Agrar siyosat

Tashqi iqtisodiy siyosat

Hududiy (mintaqaviy) siyosat

Pul – kredit siyosati

Moliyaviy, soliq – budjet siyosati

Sanoat siyosati

Ijtimoiy siyosat



Institutsional siyosat

1.9-rasm. Davlatning iqtisodiy siyosati.¹²

Davlat siyosatining muvaffaqiyati jamiyat ehtiyojlari va ularni qondirish vositalarini aniqlash uchun real holatni aniq belgilash va iqtisodiy bilimlar darajasiga bog‘liqdir.

Davlat iqtisodiy siyosatining tamoyillari quyidagilarda ifodalanadi:


Mavjud resurslar hisobiga ko‘p miqdorda ne’matlar yoki kam sarf-xarajatlar evaziga ko‘p miqdorda mahsulotlar ishlab chiqarish.

Mamlakat fuqarolari daromadlaridagi tengsizlikni kamaytirish va iqtisodiyot samaradorligiga qo‘shgan hissalariga muvofiq har bir fuqaro daromadlarining ko‘payib borishini ta’minlash.