Iqtisodiy bilim asoslari

SOF RAQOBAT BOZORI
Oldingi mavzuda raqobat va uning vujudga kelishi uchun zarur bo‘lgan shart-sharoitlar 
haqida gaplashgan edik.
Sof raqobat bozoriga misol qilib qishloq xo‘jalik mahsulotlari sotiladigan dehqon 
bozorlarini, kundalik ehtiyoj mollari sotiladigan chakana savdo do‘konlarini keltirish 
mumkin. Bu bozorlarda muayyan tovar turi juda ko‘p sotuvchilar tomonidan sotiladi. 
Bu bozorlarda narx erkin bo‘lib, biror-bir sotuvchi narx ustidan nazorat o‘rnata olmaydi. 
Shuningdek, bu bozorlarga kirishga to‘siq yo‘q bo‘lib, istalgan paytda ixtiyoriy sotuvchi 
bu bozorlarda o‘z faoliyatini boshlashi mumkin.