Iqtisodiy bilim asoslari

Taqrizchilar:
U. G‘afurov
– TDIU iqtisodiyot nazariyasi kafedrasi mudiri,
iqtisod fanlari nomzodi, dotsent,
H. Xotamova
– RTM bosh metodisti,
N. Do‘stmurodova
– Toshkent shahridagi 28-maktab 
o‘qituvchisi,
M. Jo‘rayeva 
– XTV tasarrufidagi aniq fanlarga
ihtisoslashgan maktabning iqtisodiyot o‘qituvchisi
Respublika maqsadli kitob jamg‘armasi mablag‘lari hisobidan 
ijara uchun chop etildi.

---

5
4
5
Aziz o‘quvchilar!
Mamlakatimizda tarixan qisqa davr ichida bozor munosabatlariga asoslangan milliy 
iqtisodiyotimiz asoslari barpo etildi. Bunday sharoitda iqtisodiy bilim asoslarini sizga 
yoshlikdan o‘rgatib, singdirib borish mamlakatimiz oldida turgan dolzarb masaladir. 
Axir buyuk kelajakni yaratish, 10 — 15 yildan keyin jamiyatni boshqarish siz barkamol 
avlod zimmasiga tusha boshlaydi. Shunday ekan, sizdan tinmay izlanish, iqtisodiy bilim 
asoslarini chuqur o‘rganish, uni kundalik turmushga tatbiq eta bilish talab etiladi. Bu 
sohada qo‘lingizdagi ushbu kitob hamrohingiz bo‘ladi. U bilan tezda do‘stlashib olasiz, 
degan umiddamiz.
Darslikni sodda, tu shunarli tilda yozishga harakat qildik. Unda deyarli barcha tu-
shunchalarning mohiyati kundalik turmushda uchraydigan hayotiy misollar yordamida 
yoritilgan.
Shuningdek, oxirgi bobda mamlakatimizdagi soliq tizimi haqida bilishingiz lozim 
bo‘lgan boshlang‘ich ma’lumotlarni berishni lozim topdik.
Darslikni yozishda rivojlangan mamlakatlarda to‘plangan ilg‘or tajriba namunalari-
dan foydalanildi. Shu bilan bir qatorda yurtimizga xos sharqona va umrboqiy qadriyat-
larimizdan kelib chiqib, kitobning hayotga yaqin bo‘lishiga ham e’tibor berdik.
“Iqtisodiy bilim asoslari” 8-sinf darsligi bo‘yicha dars o‘tish uslubiyati o‘qituv chilar 
uchun mo‘ljallangan uslubiy ko‘rsatmalar kitobida keltirilgan. Shuningdek, iqtisodiy bilim 
asoslari fanini texnik vositalar yordamida o‘qitishga mo‘ljallangan ko‘rgazmali qurollar, 
tarqatma mate riallar to‘plami va darslikning kompyuter uchun mo‘ljallangan elektron 
variantlari ham yaratilgan.
Darslikning elektron varianti va u asosida yaratilgan elektron darslikni Xalq ta’limi 
vazirligining axborot-ta’lim portali – 
www.eduportal.uz
sahifalaridan ham topishingiz 
mumkin.
Mazkur darslik bo‘yicha ta’lim olish imkoniyati siz azizlarga berilgan ekan, sizga bu 
ma s’uliyatli va mashaqqatli, shu bilan birga maroqli yo‘lda qunt va sabot tilab qolamiz. 
Iqtisodiy bilim asoslaridan olgan saboqlaringiz sizni barkamollik sari yetaklab, jonajon 
Vata nimizning buyuk kelajagini yaratishga xizmat qiladi, degan umiddamiz!
Oq yo‘l sizga, aziz o‘quvchilar!