Iqtisodiy bilim asoslari

uchalasidan misollar keltirilgan?
A. Dala, traktor, paxta.
B. Ofis, menejer, boshliq.
D. Neft, zavod, ishchi.
E. Kompyuter, dasturchi, printer.
8. Har qanday tizim oldida turgan eng asosiy muammo — bu:
A. ishlab chiqarish.  B. cheklanganlik.
D. iste’mol        E. taqsimot.
9. Bozor iqtisodiyoti sharoitida ...
A. mulkning asosiy qismi xususiy shaxslar qo‘lida bo‘ladi.
B. davlat yagona mulkdor bo‘lib qoladi.
D. davlat mulkiga ustuvorlik beriladi.
E. mulk o‘z mohiyatini yo‘qotadi.
http:eduportal.uz

---

II bob. Bozor
Biz erkin bozor tamoyillarini o‘rnatmoqchi ekanmiz, 
iqtisodiyotning yetakchi tarmoqlarini isloh qilish va rivojlantirish 
orqali sog‘lom raqobat muhitini yaratishimiz shart...
Shavkat Mirziyoyev
http:eduportal.uz

---

38
Yuqoridagi  rasmda  tasvirlangan  etikdo‘zga  non,  novvoyga  un, 
tegirmonchiga bug‘doy, dehqonga o‘roq va temirchiga etik kerak bo‘lsin.
1. Bu holatda etikdo‘z birgina nonga bo‘lgan ehtiyojini qondirish uchun 
o‘zi tikkan etikni qay tariqa nonga almashtira olgan deb o‘ylaysiz? 
2. Bu ayirboshlash jarayonini qanday osonlashtirish mumkin?
3. Yuqorida keltirilgan mahsulotlar ichidan qaysi biriga o‘z mahsulotini 
bajonidil almashtirishga rozi deb o‘ylaysiz?
4. Yuqorida  keltirilgan  mahsulotlarning  birortasi  boshqa  mahsulot  va 
xizmatlar uchun to‘lovni amalga oshirishga mo‘ljallangan hammabop 
almashtirish vositasi sifatida tanlangan bo‘lsa, etikdo‘z o‘zining nonga 
bo‘lgan ehtiyojini qanday qondirgan bo‘lar edi?
5. Non  va  bug‘doyning  universal  ayirboshlash  vositasi  sifatida  qanday 
ijobiy va salbiy tomonlari bor ekanligini ayta olasizmi?
Qadimda  odamlar  qabila-qabila  bo‘lib  yashaganlar.  Har  bir  qabila 
o‘zi  uchun  kerakli  oziq-ovqat  mahsulotlarini,  kiyim-kechaklarni  va 
oddiy  ish  qurollarini  o‘zi  ishlab  chiqargan  va  iste’mol  qilgan.  Bunday 
xo‘jalik  iqtisodiyotning  eng  dastlabki  shakli  bo‘lib,  u  natural  xo‘jalik
deb  yuritiladi.  Natural  xo‘jalikning  har  bir  a’zosi  asta-sekin  muayyan 
mahsulot turini ishlab chiqarishga moslasha borgan. Vaqt o‘tishi bilan 
har  bir  kasb  egasi  o‘z  mahsulotlarini  boshqalar  bilan  ma’lum  nisbatda