Iqtisod 9 sinflar Mavzu: Tadbirkorlik

Jahon iqtisodiyotining turli inqirozlariga moliyaligi: Jahon iqtisodiyoti bozor iqtisodiyoti sharoitida turli inqirozlarga duchor bo lib turadi. Bu holat bozor iqtisodiyotining bu xil illatlaming oldini olishga nochorligidan kelib chiqadi. Bozor iqtisodiyotining bu nuqsoni oqibatida vaqti-vaqti bilan turli mamlakatlarda har xil inqirozlar bo‘lib turadi. Bu inqirozlar chuqurlashib ketib, boshqa davlatlarga ham o‘tib, dunyo miqyosida ko‘chsa, jahon inqirozi ro‘y beradi. Jahon inqiroziga 2008-yilda boshlangan moliyaviy-iqtisodiy inqirozini misol qilib keltirish mumkin. Bu haqda keyingi mavzuda atroflicha to‘xtalamiz.

Bilasizmi?Ingliz ruhoniysi Robert Maltus o‘zining jahon iqtisodiyoti taraqqiyoti haqidagi qora bashoratlari bilan dunyoga tanilgan. Uning fikricha, Yer yuzi aholisi geometrik, oziq- ovqat yetishtirish esa arifmetik progressiya tarzida o‘sadi. Geometrik progressiya arifmetik progressiyaga qaraganda, ancha tez o‘sganligi uchun, odamzod nima qilmasin baribir ochlik balosiga giriftor bo'ladi. Bu fikrdan kelib chiqib, Maltus dunyo bo‘yicha o‘lim darajasining oshishiga olib keladigan omillami, urushlar va epidemiyalarni insonning kelajagini ta’minlovchi ijobiy omillar deb baholagan.