Ипакчилик ва тутчилик кафедраси 5410900-Ипакчилик ва тутчилик йўналиши ii-босқич талабалари учун

• Табиий ипакдан халқ хўжалигини турли соҳаларида, жумладан, тўқимачилик саноатида, тиббиётда, авиация, радио-техника, космонавтика, косметология, фармацевтика ва бошқа соҳаларда кенг кўламда фойдаланилиши сабаб ипакчиликни янада ривожлантиришни давр тақозо этади. Ипакчилик қадимдан тараққий этган соҳалардан бири ҳисобланиб, тўқимачилик саноати ва халқ хўжалигини табиий ипак хом-ашёси билан таъминлайди.
• Табиий ипак пишиқлиги, чўзилувчанлиги, иссиққа чидамлилиги, кўркамлиги, енгил ва нафислиги, ҳаво ўтказувчанлиги билан бошқа газламалардан ва сунъий толалардан устунлиги билан ажралиб туради.
• Шунинг учун ҳам мустақил республикамизда ипакчиликни янада ривожлантириб, мўл-кўл ва сифатли пилла етиштиришни тақозо этади.

Ипакчилик соҳасида дунё олимларининг олиб бораётган тажрибалари илмий ишлари натижасида турли хил рангларда ипак берувчи зотлар яратилмоқда. Ёввойи ва ярим хонакилаштирилган, хонакилаштирилган зотлардан турли касалликларга чидамли, юқори ҳосил берувчи, ипак махсулоти чиройли, ялтироқ, янги зот дурагайлари яратилмоқда.

• Ипакчилик соҳасида дунё олимларининг олиб бораётган тажрибалари илмий ишлари натижасида турли хил рангларда ипак берувчи зотлар яратилмоқда. Ёввойи ва ярим хонакилаштирилган, хонакилаштирилган зотлардан турли касалликларга чидамли, юқори ҳосил берувчи, ипак махсулоти чиройли, ялтироқ, янги зот дурагайлари яратилмоқда.

Ипак қурти биологияси фанининг мақсади ва вазифаси

• Тут ипак қурти биологияси умумий биология фанларидан бири ҳисобланиб, унинг асосий мақсади ипакчилик соҳаси бўйича билим олаётган талабаларга ипак қуртини ташқи-морфологик, ички-анатомик тузилишини ва қурт танасида содир бўладиган физиологик жараёнлар тўғрисида тушунча беради. Бу эса талабага ипак қурти ва унинг тузилиши тўғрисида дастлабки маълумотларни бериб, қуртни парвариш қилиш жараёнида, ундаги ўзгаришлар, ёшдан-ёшга ўтишда пўст ташлаши, пилла ўраши учун ипак толасини ҳосил бўлиш жараёни, ғумбакка, капалакка айланиши сабабини ва моҳиятини билишга ўргатади.