Investitsiya loyihalarini boshqarish

3. Biznes-rejaning asosiy bo‘limlari tavsifi

Rezyume (kirish, xulosa). Biznes-rejaning birinchi qismidagi rezyume (xulosa) bo‘limini yoritishni ko‘rib o‘tamiz. Rejaning bu bo‘limi uning barcha bo‘limlari tugatilgandan so‘ng yozilishi kerak. Bu bo‘lim o‘zidan keyin keladigan barcha bo‘limlarni umumiy xulosasini o‘zida jamlaydi. Ammo lekin amaliyotda bu bo‘lim biznes rejaning boshida beriladi. Shuning uchun ham uni ko‘pincha biznes-rejaning “tashrif varag‘i” ham deb atashadi. Uning hajmi 2-4 varaqdan iborat bo‘ladi. Unda loyihaning maqsad va vazifalari sodda tilda yoritiladi.

Biznes-reja rezyumesida (xulosasida) juda qisqa tarzda quyidagilar yoritiladi:

- ma’lum bir aniq bozor sharoitlarida loyihani amalga oshirish mumkinligi;

- loyihaning mazmuni: uning maqsadi va potensial samaradorligi;

- loyihani kim va qanday amalga oshiradi;

- loyihani moliyalashtirish manbalari;

- loyihani investitsiyalashdan keladigan potensial foydalar: sotuv hajmi, ishlab chiqarish va sotish xarajatlari, foyda normasi, investitsiya mablag‘larini qaytarish hamda xarajatlarni qoplash vaqti.

• Ishlab chiqarishga taklif etilayotgan mahsulot yoki xizmat qanday ehtiyojlarni qondiradi?

• Bozordagi hozirgi kunda mavjud bo’lgan xuddi shu turdagi mahsulot yoki xizmatdan sizning mahsulotingiz yoki xizmatingiz qaysi afzal tomonlari bo’yicha ajralib turadi?

• Taklif etilayotgan mahsulot va xizmatning narxlari qanday bo’lishi mumkin hamda qanchalik raqobatga bardosh bеradi?

•