Инвестиция фаолияти ва инвестиция сиёсати

Olimlar tomonidan investitsiyalarga berilgan tasniflar

• Sof investitsiyalar asosiy kapitalni koʼpaytirish zarurati bilan bogʼliq
• Yalpi investitsiyalar asosiy fondlarning yemirilishi oʼrnini qoplash zaruratini taqozo etadi.
• Investitsiyalar joylashtirish obʼektlari boʼyicha farqlanadi. Bunday obʼektlar mulk, moliyaviy vositalar, nomoddiy qiymatliklar boʼlishi mumkin.
• Harakat yoʼnalishi boʼyicha investitsiyalarni fondlar tarkibini yangilash, ratsionallashtirish, kengaytirish, almashtirish va hokazolarga moʼljallangan investitsiyalarga ajratish mumkin.

Olimlar tomonidan investitsiyalarga berilgan tasniflar

• Maqsadlari va ular bilan bogʼliq xatarlar nuqtai nazaridan venchurli (xatarli), bevosita, portfel va annuitet investitsiyalar boʼladi. Venchur kapital shakli katta xatar bilan bogʼliq yangi faoliyat sohalarida chiqariladigan yangi aktsiyalardir. Xatarli kapital kapitalning turli shakllarini: ssuda kapitali, aktsiyadorlik kapitali va tadbirkorlik kapitalini oʼz ichiga oladi.
• Bevosita investitsiyalar muayyan xoʼjalik subʼektini boshqarishga, ishtirok etish huquqini olish va foyda chiqarish maqsadida uning ustav kapitaliga mablagʼ solishdir.
• Portfel investitsiyalar investorning aniq maqsadga erishishi uchun xizmat qiladigan va bir butun qilib toʼplangan turli qiymatliklarning yigʼindisidir.
• Аnnuitet – vaqti-vaqti bilan investorga muayyan daromad keltirib turadigan investitsiyalar.

Iqtisodiy nazariyada investitsiyalar

• Iqtisodiy nazariyada investitsiyalarning quyidagi turlarini uchratish mumkin. Jumladan: nominal investitsiyalar – investitsiyaga ajratilgan pul mablagʼlari; real investitsiyalar – pul mablagʼlarining ishlatilishi natijasida erishilgan real natija. Kapital resurslarga investitsiyaning oʼzi ikki turga boʼlinadi: sof investitsiya va modernizatsiya uchun investitsiya. Sof yoki yangi investitsiya bilan modernizatsiya uchun yoki eskirgan asosiy kapitalning oʼrnini toʼldirish uchun investitsiyalar yalpi investitsiyalar deyiladi.
• Real jamgʼarilgan kapitalning oʼsishi farovonlikning ortishiga olib keladi. Shu jihatdan qarasak, bugungi farovonlik kechagi investitsiyaning natijasi, mevasi, bugungi investitsiya jamiyatning ertangi farovonligi asosidir.