Internetning yangi imkoniyatlari Reja

Blog yuritish
Onlayn biznes juda foydali yo‘llardan biri hisoblanadi. Sayt yaratasiz va uni yuritasiz yoki ijtimoiy tarmoqlardagi profillaringiz va guruhlaringizni yuritasiz. Faqat shu bilan ish bitmaydi-ku deyishingiz ham mumkin. Ha shunday, lekin asosiy birinchi qadam shu hisoblanib, keying qadamlar shunga bog’liq bo‘ladi. Ha aytgancha, bizning saytimizdan sayt yaratish darslarini o‘rganib, mukammal saytingizni yaratishingiz mumkin.
Siz shunchaki saytni yaratasiz va uni foydali ma’lumotlarga to‘ldirasiz. Maslahatim, siz xorijiy tillardagi qimmatli ma’lumotlarni o‘zbek tiliga tarjima qilib yozing, chunki o‘znek tilida bunday ma’lumotlar kam.
Vaqt o‘tib, hammasi o‘z-o‘zidan yaxshi bo‘lib boraveradi. Siz obunachilarni yetarli darajada yig’ib olganingizdan so‘ng, tadbirkorlar tovar sotuvchilar sizga: “Mening mahsulotimni reklama qilib bering”, — deb yoza boshlaydilar.
Siz obunachilaringiz soniga qarab reklama narxini belgilaysiz va foyda olasiz. Bu faqatgina boshlanishi azizlar. Bundan so‘ng siz hamkorlik ishlarini ham yo‘lga qo‘yishingiz mumkin. Muhimi, sizda bu ishga qiziqish va kreativlik bo‘lishi kerak, qolgani o‘z maromida ketaveradi.


Mahsulot sotish
Siz tadbirkormisiz? Sizga yetarlicha haridor kerakmi? Unday bo‘lsa, bu usul aynan siz uchun, nafaqat tadbirkor, balki savdo-sotiqni yoqtiradiganlar foydalanishlari ham mumkin. Bu yo‘ldan borishingiz uchun sizda o‘zingiz ishlab chiqargan mahsulot yoki birovlar tomonidan ishlab chiqarilgan mahsulot kerak bo‘ladi.
Demak, sizda tayyor tovar bor, lekin siz unga doimiy haridor topa olmayapsiz. Shunda, sotmoqchi bo‘lgan mahsulotingizga birinchi navbatda chiroyli ta’rif bering, uni dizaynini iloji boricha yorqinlashtiring . Chunki mahsulotning ko‘rinishi chiroyli bo‘lsa, odamlar unga qiziqa boshlaydi.
Asosiy ish. Internetdagi saytlarda reklama qiling. Agar buning uchun bir sahifali sayt yaratsangiz juda yaxshi, chunki haridorlarni olib qolish imkoni bo‘ladi. Shunday qilib mahsulot sotilgani sari, boshqa turdagi tovarlarni ham ko‘paytirish kerak. Shunda rivojlanasiz.