Интернет ҳақида тушунча ва унинг имкониятлари ҳамда ундан фойдаланиш 1 Интернет тармоғи ва унинг аҳамияти

Анъанавий почта хизмати. Анъанавий почта хизмати бизга маълум бўлган ва ҳар бир шаҳар ва марказларда жойлашган почта алоқаси корхоналари орқали амалга оширилади. Бунда жўнатилиши режалаштирилаётган хат махсус конвертга солиниб, юборувчи ва қабул қилувчининг индекси, манзили ва кимга мўлжалланганлиги ёзилади. Шу маълумотларга асосланган ҳолда почта корхонаси келган хатни марказий почта корхонасига юборади ва у ерда сараланиб тегишли манзилга элтиб беришни таъминлайди. Камчилиги шундаки юборилган хабар ёки хат манзил узоқлигига қараб кунлаб, ойлаб бориши, баъзи ҳолларда умуман етиб бормаслиги кам мумкин.
Электрон почта хизмати ва унинг афзалликлари. Интернет-халқаро тармоғининг асосини Electronic mail(E-mail)- электрон почта хизмати ташкил қилади. Электрон почта худди одатдаги почтадек бўлиб, фақат бунда хатни қоғозга эмас, балки компьютер клавиатурасидан ҳарф ва сўзларни териб, маълум электрон ёзув кўринишига келтирилади. Электрон почта махсус дастур бўлиб, унинг ёрдамида Интернет тармоғи орқали дунёнинг ихтиёрий жойидаги электрон манзилга хат, ҳужжат, яъни ихтиёрий маълумотни тезда (бир неча сония ва дақиқаларда) жўнатиш ва қабул қилиб олиш мумкин.
Хабар ва почта қутиси тушунчалари. Хабар, умуман олганда, фойдаланувчи почта орқали юбориши керак бўлган маълумот ҳисобланади ва олдиндан бошқа дастурда (масалан Word) тайёрлаб, кейин электрон почта орқали жўнатиши мақсадга мувофиқдир. Почта сервери матн териш ойначасига ҳам эга бўлиб, хабарни шу ойнада ёзиш мумкин.
Почта қутиси - бу фойдаланувчи учун электрон почта хизматини такдим этувчи компьютерда қайд қилинган номдир. Ушбу ном компьютер хотирасида папка кўринишида шакллантирилади ва у ўзида кирувчи ва чиқувчи хабарларни вақтинчалик сақлайди. Электрон почта манзилларидаги ёзув почта қутиси номини англатади.