Interfaol usullar

“Muzyorar” usuli.
Ko‘pchilik odam yangi sharoitda (kurs boshida, yangi sinfda va h.k.) o‘zlarini yo‘qotib qo‘yadilar, yoki noqulay his qiladilar, bir-birlarini tanimaydilar. Shunday sharoitda o‘qituvchi (trener) do‘stona muhitni yaratishi lozim. Unda taqdim etish (ismi, sharifi, turar va ish joyi, xobbisi) o‘yini yoki intervyu (juftlar) bo‘lib tanishishi va ulardan biri tanishtirishi, tanishish (o‘qituvchi o‘z ismini aytadi, tinglovchilar davom ettiradi, sharti esa hammani ya’ni o‘zidan oldingilarni aytib keyin o‘zini aytadi).
“Aqliy hujum” usuli.
O‘z nomidan ma’lumki, o‘quvchilar aqliga hujum qilinib, ulardan axborot to‘planadi. M:”Dorivor o‘simliklarning ishlatilishi” mavzusida har bir o‘quvchi dorivor o‘simliklar qayerda ishlatilishini yozadi (5 daqiqa). Keyin ikkovlashib yozadi (10 daqiqa) va oxirida ikki guruh yozganlarini jamlaydi va yozuv taxtasiga yozadi, yoki sardor o‘qib beradi. Qolganlar esa, o‘zlarida bo‘lmaganini yozib oladi. Bunda, birinchi o‘quvchi 5 tagacha, 2 kishi 7-8, kichik guruh 10-12 tagacha, katta guruh 15-20 ta, jamoaniki esa 20-30 ta dorivor o‘simliklarning ishlatish sohasini ayta oladi.
“Tayanch signallar” usuli.
Darsning tayanch signallari usuli ko‘p vaqtlardan beri ishlatib kelinayotgan usul bo‘lib, bunda mavzu bo‘yicha tayanch signallar yozib qo‘yiladi, o‘quvchilar esa, shulardan foydalanib savollarga javob topadi va mavzuni to‘liq o‘rganib oladi. Eng oddiy misol, formula va jadval sxemalar bo‘lib, ulardan foydalanib xohlagan savolga javob berish mumkin, yoki o‘qituvchi tomonidan savolni topish uchun tayanch signallar tuzib chiqilishi mumkin. Tayanch signalidan foydalanib, oldida bahor fasliga mos rasm bo‘lsa, bahor haqida hikoya tuzish oson bo‘ladi.
“Kichik guruhlarda ishlash” usuli.