Interfaol usullar

«Aqllilar shashkasi» usuli.
O‘qituvchining stoli ustiga shashka taxtasi qo‘yiladi. O‘quvchilar “Oqlar” va “Qoralar” guruhiga bo`linadilar. Har bir guruh o‘quvchilari bir-birlariga ketma-ket savollar beradilar. Agar “Oqlar” guruhidan chiqqan bir o‘quvchi “Qoralar” guruhi tomonidan berilgan savolga to‘g‘ri javob topsa, o‘qituvchi shashka donachasini oldinga siljitadi. Javob noto‘g‘ri bo‘lsa, shashka donachasi o‘z joyida qoladi. So‘ngra javob berish navbati “Qoralar” guruhiga o‘tadi. Masalan: “Oqlar” guruhi “Istiqlolimiz… 20 yoshi muborak” gapidagi nuqta o‘rniga kerakli kelishik qo‘shomchasini qo‘ying degan savolga qaratqich qo‘shimchasi (-ning)ni to‘g‘ri qo‘lladi va shashka donachasi oldinggi katakka o‘tdi.
“Qoralar” guruhi vakili “Tinchligimiz… asrab avaylaylik” gapidagi nuqta o‘rniga zarur kelishik qo‘shomchasini qo‘ying degan topshiriqqa tushum kelishigi qo‘shimchasi (-ni)ning o‘rniga qaratqich qo‘shimchasi (-ning)ni noto‘g‘ri qo‘lladi. Natijada shashka donachasi o‘z joyida qoldi.
O‘yin shu tarzda davom etadi. Savol-javoblar tugagach, o‘qituvchi oldinga surilgan shashka donachalarini sanaydi. Eng ko‘p shashka donachalariga ega bo‘lgan guruh g‘olib deb hisoblanadi.
“Dengizga sayohat” usuli
Dastlab dengiz sayohatiga otlanayotgan ulkan kema tasvirlangan rasm xattaxtaga osib qo‘yiladi. O‘qituvchining stoli ustida orqasiga savol yozilgan sayohatchilarning rasmi bo`ladi. O‘quvchilar ikki guruhga ajratiladi. Har bitta guruhdan o‘quvchi chiqib, sayohatchilardan xohlagan birini tanlashlari va uning orqasidagi savolga javob berishlari kerak bo‘ladi. Savolga to‘g‘ri javob bergan o‘quvchining “sayohatchi”si kema rasmining oldiga qo‘yiladi, ya’ni ushbu “sayohatchi” kemaga chiqariladi. Javob noto‘g‘ri bo‘lgan holatda “sayohatchi” kemaga chiqish huquqidan mahrum bo‘ladi. Masalan, pa.ta, .alq, .at, ba.t so`zlaridagi nuqta o‘rniga x hoki h harflarining qaysi biri mos keladi degan savolga 1-guruh o`quvchisi to‘g‘ri javob (x harfi mos keladi) berdi va uning “sayohatchi”si kemaga chiqarildi. 2-guruh o`quvchisi esa f.tn.n, v.d.pr.v.d, m.gnit.f.n, f.n.r so‘zlaridagi nuqtalar o‘rniga a yoki o harflarini to‘g‘ri qo`yib o‘qing degan topshiriqqa noto‘g‘ri javob (fantan, vadapravad, magnitafon, fanar) berdi va uning “sayohatchi”si kemaga chiqarilmadi.