Intensiv kurs

Gap haqida umumiy ma’lumot

1. Keltirilgan gapda qanday tinish belgilari ishlatilishi lozim? Umrimda bormagan joyimga qanaqa qilib boraman // Mening borishimdan nima foyda //

A) so‘roq, nuqta B) so‘roq, so‘roq va undov C) so‘roq, undov D) ikki nuqta, undov

2. Keltirilgan qaysi gapda tinish belgisi noto‘g‘ri qo‘llangan?

A) Dadam ishdan kech keldi, oyim betob yotibdi, degin! B) Sergey otdan sakrab tushib, cholga qo‘l uzatdi. C) Kap-katta bo‘lib shunga ham vaj topolmaysizmi? D) Darig‘ tutmay nigorim, bo‘lsa imkon bir kelib ketsin.

3. Gapga mos keluvchi ta’rifni ko‘rsating.

A) Gap bir voqea-hodisa haqidagi xabarni, so‘roqni yoki buyruqni ifodalovchi asosiy sintaktik butunlikdir. B) Gap kesim va ega yoki faqat kesim bo‘laklariga aloqador grammatik asosga ega. C) Gap tushuncha ifodalaydi. D) A va B

4. Yozma nutqda ohangga qarab har bir gap oxirida…

A) nuqta qo‘yiladi B) so‘roq belgisi qo‘yiladi C) undov belgisi qo‘yiladi D) nuqta, so‘roq yoki undov belgisi qo‘yiladi

5. Oq paxtalar ochildi. Ushbu gap tarkibidagi oq va paxtalar so’zlari o‘zaro qaysi vosita orqali bog‘langan?

A) ohang B) ko‘plik qo‘shimchasi C) so‘z tartibi D) kelishik qo‘shimchasi