Intellektual mulk agentligining faoliyati va sohadagi rivojlanish tendensiyalari

Intellektual mulk sohasida kelgusidagi rivojlantirish istiqbollari va rejalar:

• 
  Barcha bosqichlarda kadrlar tayyorlash, propaganda tizimini rivojlantirish (ijtimoiy roliklar, OO'M uchun dasturlar, "IP-CENTER" o'quv markazida maxsus kurslar);
  
• 
  BIMT bilan birgalikda Texnologiyalar va innovasiyalarni qo'llab-quvvatlash Markazlarini yaratish;
  
• 
  BIMT bilan birgalikda O'zbekiston Respublikasining intellektual mulk bo'yicha Strategiyasini ishlab chiqish;
  
• 
  Qonunchilikni yanada takomillashtirish bo'yicha ishlarni amalga oshirish;
  
• 
  Intellektual mulkka hurmatni targ'ib qilish (#RespectIP);
  
• 
  Talabnomalarni onlayn tarzda topshirish tizimini yaratish va joriy qilish.
  

"Intellektual mulk" axborot tizimi: vazifalari va imkoniyatlari:
1. Patent fondining ma'lumotlar bazasini barcha uchun foydalanishi mumkin bo'lgan ko'rinishda shakllantirish:
- keng jamoatchilik vakillariga O'zbekiston Respublikasida ro'yxatdan o'tkazilgan IMOlari haqidagi ma'lumotlarni barcha kriteriyalar bo'yicha tez va oson qidirish, tahlil qilish imkoniyati yaratiladi.
- talabnoma topshiruvchilarga talabnomani topshirishdan oldin, agentlikning ma'lumotlar bazasi orqali barcha intellektual mulk ob'ektlari bo'yicha oldindan qidiruv o'tkazish imkoniyati yaratiladi.
2. "Bir darcha" tamoyili asosida intellektual mulk sohasidagi davlat interaktiv xizmatlarini joriy etish orqali talabnoma topshiruvchilar Agentlikga bevosita kelmasdan, "Intellektual mulk" axborot tizimi orqali:
- barcha IMO uchun elektron kalkulyator xizmati orqali Davlat bojlari haqida ma'lumot olish;
- barcha IMO uchun talabnomalarni elektron topshirish;
- barcha IMO uchun talabnomani holati (qaysi bosqichdaligi) haqida onlayn to'liq ma'lumot olish.


O'zbekiston Respublikasining intellektual mulk sohasidagi Strategiyasi

Intellektual mulk agentligi tomonidan intellektual mulk tizimini rivojlantirish maqsadida O'zbekiston Respublikasining intellektual mulk sohasidagi Strategiyasi ishlab chiqiladi.

Ushbu hujjat maqsadi intellektual mulk sohasini rivojlantirishning keyingi yo'nalishlarini va intellektual mulk tizimidagi manfaatdor davlat tashkilotlari, ularning vazifalari va vakolatlarini belgilash, shuningdek, alohida e'tiborga molik asosiy muammolarni ochib berishdan iboratdir.
Strategiya vazifalari quyidagilardan iborat:
intellektual mulk sohasini rivojlantirish masalasiga tizimli yodoshuvni va muammoli masalalarning bartaraf etilishini ta'minlash;
davlat idoralarining o'zaro hamkorligini kuchaytirish, jumladan, intellektual mulk borasidagi qonunchilikni bir xilda talqin etilishi borasida;
qatnashuvchi tomonlarning mas'uliyatini oshirish;
ilmiy-texnik ijodkorlik va innovasion fikrlash/tadbirkorlik uchun qulay shart-sharoit yaratish;
qatnashuvchi barcha tomonlarda intellektual mulkka nisbatan hurmat hissini shakllantirish.
Ushbu hujjatning ishlab chiqilishi quyidagi dolzarb muammolarning yechimini talab etadi:
- Intellektual mulk sohasida band bo'lgan barcha davlat tashkilotlarining uyushqoqlik bilan ishlashiga, intellektual mulkni himoyalash va uni kommersiyalashtirishga erishish.
- Tadbirkorlik va ilm-fan sub'ektlarining, xuddi shuningdek, davlat tashkilotlari xizmatchilari va boshqaruv tizimi xodimlarining huquqiy savodxonligini oshirish.
- Intellektual mulk tizimini va unga nisbatan hurmat hissini rivojlantirib borish iqtisodiyotni innovasion jihatdan rivojlantirish asoslari sifatida belgilanishi lozim.
- Umuman olganda, intellektual mulk davlat taraqqiyoti va xalqning moddiy farovonligini oshirishda muhimdir, degan nuqtai nazarni shakllantirish.
Strategiyani yaratishda Sanoat mulkini muhofaza qilish bo'yicha Parij konvensiyasi , O'zbekiston Respublikasining intellektual mulk sohasiga doir qonunlari, 2017-2021 yillarda O'zbekiston
Respublikasini rivojlantirishning beshta ustuvor yo'nalishi bo'yicha Harakatlar Strategiyasi, O'zbekiston Respublikasi Prezidentining Farmon va Qarorlari, O'zbekiston Respublikasi Vazirlar Mahkamasining Qarorlari, shuningdek, Butunjahon intellektual mulk tashkilotining (bunday keyin - BIMT) milliy Strategiyani ishlab chiqish bo'yicha Uslubiy ko'rsatmalari huquqiy asos bo'lib xizmat qiladi.